2 Samuel 24:13 - An Bibel Kernewek 20234 (Kernewek Kemmyn)

¹³ Ytho Gad a dheuth dhe Davydh, ha leverel dhodho, ‘A wra seyth blydhen a dhivoetter dos dhis y'th tir? Po a vynn'ta fia tri mis a-rag dha eskerens, hag i orth dha helghya? Po a vydh tri dydh a bla y'th tir? Lemmyn preder hag ervir py gorthyp y rov dhodho ev neb a'm dannvonas.’

2 Samuel 24:13 Iomraidhean Croise

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

2 Samuel 24:12

‘Ke ha lavar dhe Davydh, “Yndellma y lever an Arloedh, My a brof dhis tri thra; dewis onan anedha, ha my a'n gwra dhis.” ’

2 Myghternedh 8:1

Elisha a gewsis orth an venyn a dhros ev hy mab arta dhe vewnans, ow leverel, ‘Sav yn-bann ha ke gans dha vayni, ha triga plepynag may hylli triga; rag an Arloedh re worhemmynnis divoetter a seyth blydhen, ha re dheuth seulabrys dhe'n tir.

1 Kroniklys 21:12

po teyr blydhen a dhivoetter, po tri mis ow fia a-rag dha eskerens ha kledha dha eskerens orth dha dhistrui; po tri dydh a gledha an Arloedh, plag y'n pow hag el an Arloedh ow tistrui dres oll tiredh Ysrael.” Lemmyn ervir py gorthyp y kemmerav dhodho ev neb a'm dannvonas.’

Salmow 91:6

a'n pla a gerdh yn tewlder, nag a'n jevan a dhistru y'n hanter-dydh.

Eksodus 7:25

Ha seyth dydh a dremenas wosa an Arloedh dhe weskel an Nil.

Ezekiel 14:13

Mab den, pan wra pow pegha er ow fynn ow pos dislel, ha my a ystynn ow leuv er y bynn ha terri y lorgh bara, ha dannvon ynno divoetter, ha treghi dhe-ves dhiworto den ha best;

Levitikus 26:20

Agas nerth a vydh spenys yn euver rag ny re agas tir y drevas, na ny re gwydh an tir aga frut.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Luk 4:25

Mes dhe wir my a lever dhywgh, yth esa lies gwedhwes yn dydhyow Elias yn Ysrael, pan veu an nev kes teyr blydhen ha hwegh mis, may feu divoetter meur war oll an tir.

Dewteronomi 28:22

An Arloedh a'th wysk gans kleves gwastya, ha gans terthenn, ha gans fevyr, ha gans brewvann, ha gans an kledha ha gans kleves losk ha kleves melynheans y'n ys, hag i a'th helgh bys pan vydhydh diswrys.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:27

An Arloedh a'th wysk gans bryghi Ejyp, ha gans hwedhow, ha gans krevennow, ha dre'n debron, ma na yllydh bos yaghhes.

Dewteronomi 28:35

An Arloedh a'th wysk gans drog vryghi y'th tewlin ha'th tiwarr ma na yllydh bos yaghhes dhiworta, a wodhen dha droes bys y'th krogen.

Dewteronomi 28:52

Ev a omsett a-dro dhis yn oll dha yetys bys pan goettho dha fosow ughel ha kerys mayth esos ow trestya ynna der oll dha dir; hag ev a omsett a-dro dhis, yn oll dha yetys der oll dha dir, a ros an Arloedh dha Dhuw dhis.

1 Samuel 25:17

Lemmyn rakhenna godhvydh ha preder pandr'a wredh; rag drog re beu ervirys erbynn agan mester hag erbynn oll y ji; rag ev yw mab Belial ha ny yll denvyth kewsel orto.’