2 Samuel 23:5 - An Bibel Kernewek 20234 (Kernewek Kemmyn)

⁵ A nyns yw ow chi yndella gans Duw? Rag ev a wrug genev kevambos bys vykken, ordenys yn pup-tra ha sur. A ny wra ev gul dhe skylla oll ow selwyans, ha'm desir?

2 Samuel 23:5 Iomraidhean Croise

Jenesis 9:16

Ha'n warak a vydh y'n kommol ha my a vir orti may perthiv kov a'n kevambos bys vykken yntra Duw ha pub kreatur bew a bub kig usi war an nor.’

2 Samuel 12:10

Rakhenna ny dreyl an kledha nevra dhiworth dha ji, rag ty re'm dispresyas, ha kemmeres gwreg Uria an Hittyas dhe vos dha wreg.

2 Samuel 13:14

Mes ny vynnas goslowes orti; ha drefenn y vos kreffa agessi, ev a's defolas ha growedha gensi.

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

2 Samuel 18:14

Ena yn-medh Yoab, ‘Ny vynnav gortos yndellma genes.’ Hag ev a gemmeras tri guw yn y dhorn, ha'ga fokya dre golonn Absalom, hag ev hwath yn few y'n derebinthenn.

2 Samuel 7:12

Ha pan vydh dha dhydhyow kollenwys, ha ty a wrowedh gans dha dasow, my a dhrehav dha has war dha lergh, neb a dheu a'th korf, ha my a fast y vyghterneth.

2 Samuel 7:18

Ena myghtern Davydh eth a-ji hag esedha dherag an Arloedh ha leverel, ‘Piw ov vy, A Arloedh Duw, ha pandr'yw ow chi, ma'm dresys omma?

1 Myghternedh 1:5

Adoniya mab Haggith a omdhrehevis, ow leverel, ‘My a vydh myghtern’: hag ev a bareusis ragdho charettow ha marghogyon, ha deg korfwithyas ha dew-ugens rag poenya a-ragdho.

1 Myghternedh 11:38

Mar koslowydh orth pup-tra a worhemmynnav dhis, kerdhes yn ow fordhow, ha gul an pyth yw ewn yn ow golok ow kwitha ow ordenansow hag ow gorhemmynnow, dell wrug ow gwas Davydh, my a vydh genes, ha ty a dhrehav chi sur, par dell dhrehevis rag Davydh, ha my a re Ysrael dhis.

1 Myghternedh 12:14

mes kewsel dhedha herwydh kusul an wer yowynk, ‘Ow thas a wrug dha yew dhe vos poes, mes my a geworr dh'agas yew; ow thas a'gas kessydhyas gans hwyppys, mes my a'gas kessydh gans skorpyones.’

Salmow 111:9

Ev re dhannvonas daspren dh'y bobel; ev re worhemmynnis y gevambos bynitha; sans hag ownys yw y hanow.

Salmow 119:81

Difygya a wra ow enev ow yeuni war-lergh dha selwyans; mes my a fydh yn dha er.

Salmow 27:4

Unn dra a wovynnis orth an Arloedh, henna a hwilav: my dhe driga yn chi an Arloedh dres oll dydhyow ow bewnans, dhe vires orth tekter an Arloedh, ha dhe brederi yn y dempel.

Salmow 62:2

Ev y honan yw ow harrek ha'm selwyans, ow dinas ma na vydhav disevys nevra.

Salmow 89:3

‘My re wrug kevambos gans an den dewisys genev, my re dos dhe Davydh ow gwas:

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Ysay 27:6

Y'n termyn a dheu, gwreydhya a wra Yakob, Ysrael a egin ha bleujyowa ha lenwel enep an nor a frut.

Ysay 4:2

Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 54:10

Rag kyn fo an menydhyow removyes, ha'n breow kemmerys dhe-ves, ny vydh ow thregeredh removyes dhiworthis, na ny vydh ow hevambos a gres kemmerys dhe-ves, yn-medh an Arloedh, neb a gemmer truedh ahanas.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Ysay 61:8

Rag my, an Arloedh, a gar gwirvreus, ha kasa ladrans dre sherewynsi, my a attal dhedha y'm lenduri, ha gul kevambos bys vykken gansa.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 32:40

My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Yeremia 33:21

ena ow hevambos gans ow gwas Davydh a vydh terrys, ma na'n jevydh mab dhe reynya war y dron, hag ow hevambos gans an Levysi, an oferysi ow menystoryon.

Ezekiel 37:26

My a wra gansa kevambos kres; y fydh kevambos gansa bys vykken. My a's fastyav ha'ga moghhe, ha my a worr ow sentri yn aga mysk bys vynnari.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Oberow 13:34

Ha dell y'n drehevis dhiworth an re varow, heb dehweles namoy dhe bodredhes, hemma ev re leveris, “My a re dhis an taklow sur ha sans ambosys dhe Davydh.”

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Ebrowyon 6:19

Hemma y'gan beus avel ankor an enev, sur ha fast, govenek a enter an barth a-bervedh, a-ji dhe'n vayl,

1 Samuel 2:35

Ha my a dhrehav ragov ow honan oferyas lel, neb a wra war-lergh an pyth usi y'm kolonn ha'm brys. My a dhrehav ragdho chi sur, hag ev a gerdh a-dherag ow untys bys vykken.

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.