2 Samuel 23:10 - An Bibel Kernewek 20234 (Kernewek Kemmyn)

¹⁰ Ev a sevis ha gweskel an Filistysi bys pan veu y dhorn skwithys ha glena orth an kledha. An Arloedh a dhros trygh meur y'n jydh na. Ha ny dhehwelis an bobel war y lergh marnas dhe breydha.

2 Samuel 23:10 Iomraidhean Croise

2 Samuel 23:12

Mes ev a sevis ena yn kres an splatt, ha'y dhefendya, ha ladha an Filistysi; ha'n Arloedh a dhros trygh meur.

2 Myghternedh 5:1

Naaman, kapten lu myghtern Aram, o gour meur a-rag y vester, hag enoradow drefenn an Arloedh dhe ri budhogoleth dredho dhe Aram. An gour o kasor galloesek, mes klavorek.

1 Kroniklys 11:13

Ev a veu gans Davydh yn Pas-dammim pan veu an Filistysi kuntellys ena rag batel. Yth esa splatt dor leun a heydh, ha'n bobol a fias dhiworth an Filistysi.

Salmow 108:13

Dre Dhuw y hwren ni oberi yn kolonnek; ev yth yw neb a drett agan eskerens yn-dann y dreys.

Salmow 144:10

Ty re ros budhogoleth dhe vyghternedh, ha delivra Davydh dha was.

Salmow 68:12

‘Myghternedh a luyow a fias dhe'n fo!’ An venyn esa ow kortos yn tre a rannas an preydh.

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Romanyon 15:18

Rag ny vynnav bedha kewsel a-dro dhe dravyth a-der an pyth a wrug Krist ynnov dhe wul an kenedhlow gostydh, dre er ha der ober,

2 Korinthianys 4:5

Rag nyns yw pregoth agan honan a wren ni, mes Krist Yesu avel Arloedh, ha ni agan honan avel agas kethyon, a-barth Yesu.

Yoshua 10:10

An Arloedh a's gorras yn deray a-rag Ysrael, hag i a's gweskis glan orth Gibeon, ha'ga chasya war fordh-yskynna Beth-horon, ha'ga gweskel bys Azeka ha bys Makkeda.

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

Yoshua 11:8

ha'n Arloedh a's ros yn leuv Ysrael, neb a's gweskis hag a's chasyas bys yn Sidon Meur, ha bys yn Misrefoth-maym, ha bys yn nans Mispe troha'n howldrevel; hag i a's gweskis, bys pan nag esa gesys dhedha remenant vyth.

Breusysi 15:14

Pan dheuth dhe Lehi, an Filistysi a dheuth gans garmow dhe vetya ganso; ha spyrys an Arloedh a fyskas warnodho ha'n lovanow esa war y dhiwvregh eth ha bos avel garrow lin gans tan, ha'y rawyow a deudhis dhiworth y dhiwdhorn

Breusysi 15:18

Y'n prys na ev a'n jevo syghes bras, hag ev a elwis war an Arloedh, ow leverel, ‘Ty re wrontyas an trygh meur ma dre leuv dha was. A dal dhymm merwel rag syghes ha koedha yn leuv an re antrodreghys?’

1 Samuel 11:13

Mes Sowl a leveris, ‘Na worrewgh dhe'n mernans gour vyth an jydh ma, rag hedhyw an Arloedh re dhros delivrans dhe Ysrael.’

1 Samuel 14:23

Yndella an Arloedh a sawyas Ysrael an jydh na; ha'n vatel a lesas yn-mes bys yn Beth-aven.

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:53

An Ysraelysi a dhehwelis dhiworth helghya an Filistysi, hag i a byllas aga hamp.

1 Samuel 19:5

rag ev a worras y vewnans yn y leuv ha ladha an Filistyas, ha'n Arloedh a dhros trygh meur rag oll Ysrael. Ty a'n gwelas ha lowenhe; prag y fynnydh pegha erbynn goes gwiryon, dhe ladha Davydh heb ken?’