2 Samuel 22:4 - An Bibel Kernewek 20234 (Kernewek Kemmyn)

⁴ My a elow war an Arloedh, neb yw gwiw dhe vos gormelys, ytho my a vydh selwys a'm eskerens.

2 Samuel 22:4 Iomraidhean Croise

2 Kroniklys 20:22

Pan dhallathsons kana ha gormel, an Arloedh a gontrewaytyas erbynn mebyon Ammon, Moab, ha menydh Seir, esens ow tos erbynn Yuda, hag i a veu fethys.

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Salmow 106:2

Piw a yll kewsel a wriansow nerthek an Arloedh po diskwedhes oll y wormola?

Salmow 116:13

My a dhrehav an hanaf a selwyans ha gelwel war hanow an Arloedh.

Salmow 116:17

My a offrynn dhis sakrifis a rasyans ha gelwel war hanow an Arloedh.

Salmow 116:2

Drefenn ev dhe blegya y skovarn dhymm, rakhenna my a elow warnodho hedre vewiv.

Salmow 116:4

Ena my a elwis war hanow an Arloedh: ‘A Arloedh, my a'th pys, delirv ow enev.’

Salmow 18:3

My a elow war an Arloedh, neb yw gwiw dhe vos gormelys, ha my a vydh selwys a'm eskerens.

Salmow 34:6

An den truan ma a elwis, ha'n Arloedh a glewas, ha'y sawya a'y ankenyow oll.

Salmow 48:1

Meur yw an Arloedh, ha gwiw dhe vos gormelys yn feur yn sita agan Duw, yn y venydh sans.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 55:16

Mes my a elow war Dhuw, ha'n Arloedh a'm selow.

Salmow 56:9

Ena y treyl ow eskerens war-dhelergh y'n jydh may halwav. Hemma a wonn; rag yma Duw genev.

Salmow 66:2

kenewgh gordhyans y hanow, gwrewgh dh'y wormola bos gloryus.

Salmow 96:4

Rag meur yw an Arloedh, ha pur wiw yw y wormel; res yw perthi own anodho dres oll duwow.

Romanyon 10:13

Rag, ‘Neb a elwo war hanow an Arloedh a vydh selwys.’

Diskwedhyans 4:11

‘Gwiw osta, agan Arloedh ha'gan Duw dhe dhegemmeres gordhyans hag enor ha galloes, rag ty a wrug pup-tra ha dre dha vodh yth esens i, hag y fons i gwrys.’

Diskwedhyans 5:12

ow leverel, ughel aga lev, ‘Gwiw yw an Oen a veu ledhys dhe dhegemmeres galloes, ha rychys, ha furneth, ha nerth, hag enor, ha gordhyans, ha bennath.’