Biblia Todo Logo
Bìoball air-loidhne

- Sanasan -




2 Samuel 22:31 - An Bibel Kernewek 20234 (Kernewek Kemmyn)

31 Duw – y fordh yw perfydh; lavar an Arloedh yw prevys; skoes yw dhe seul a hwila skovva ynno.

Faic an caibideil Dèan lethbhreac




2 Samuel 22:31
18 Iomraidhean Croise  

Duw ow harrek may hwilav skovva ynno, ow skoes, ha korn ow selwyans, ow dinas ha'm skovva, ow selwador; ty a'm saw dhiworth freudh.


ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.


‘Rakhenna goslowewgh orthiv, hwi wer a gonvedhes, pell bedhes dhiworth Duw ev dhe wul drog, dhiworth an Ollgalloesek ev dhe wul kamm.


Dha lavar yw pur dres eghenn, ha'th was a'n kar.


Lavarow an Arloedh yw lavarow glan, avel arghans teudhys yn forn a bri, purhes seythgweyth.


An Arloedh yw gwiryon yn oll y fordhow, ha len yn oll y wriansow.


Duw yw divlam y fordh; lavar an Arloedh yw prevys; skoes yw dhe seul a hwila skovva ynno.


My a dheriv ordenans an Arloedh; ev a leveris dhymm, ‘Ty yw ow mab, hedhyw my re'th tineythis.


Dalghenn an skoes ha'n bokler, ha sav rag ow gweres.


Gwel agan skoes, A Dhuw, ha mir orth fas dha Untys.


Ev a'th kudh gans y bluv, hag yn-dann y eskelli y hwilydh skovva; y wirder yw dha skoes ha'th vokler.


Pub ger a Dhuw yw purhes, skoes ywa dhe'n re a hwila skovva ynno.


My re wodhva pup-tra a wra Duw dhe dhurya bynitha. Ny yll bos travyth keworrys dhodho, na ny yll bos travyth kemmerys dhe-ves dhiworto. Yndella re wrug Duw, rag may hwrello tus perthi own anodho.


Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;


Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.


Rakhenna, bedhewgh hwi perfydh kepar dell yw agas Tas a nev perfydh.


An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.


Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.


Lean sinn:

Sanasan


Sanasan