2 Samuel 22:29 - An Bibel Kernewek 20234 (Kernewek Kemmyn)

²⁹ Rag ty yw ow lugarn, Arloedh, ha'n Arloedh a wra dhe'm tewlder splanna.

2 Samuel 22:29 Iomraidhean Croise

2 Samuel 21:17

Mes Abishay mab Seruya a'n gweresas ha gweskel an Filistyas ha'y ladha. Ena gwer Davydh a dos dhodho ha leverel, ‘Ny wre'ta mos yn-mes yn batel genen arta, ma na vydh lugarn Ysrael difeudhys.’

1 Myghternedh 11:36

Mes dh'y vab my a re unn loeth, ma'n jevydh prest ow gwas Davydh lugarn a-ragov yn Yerusalem, an sita may tewisis vy gorra ow hanow ynni.

Job 29:3

pan splanna y lugarn a-ugh ow fenn, ha der y wolow y kerdhyn dre dewlder;

Salmow 112:4

Dhe'n re ewnhynsek y sev golow y'n tewlder; ev yw grassyes ha truedhek ha gwiryon.

Salmow 18:28

Rag ty a enow ow lugarn; an Arloedh ow Duw a wra dhe'm tewlder splanna.

Salmow 27:1

An Arloedh yw ow golow ha'm selwyans; piw anodho y porthav own? An Arloedh yw kastell ow bewnans; piw anodho y fydhav ownek?

Salmow 4:6

Lies huni a lever, ‘Piw a dhiskwa dader dhyn ni? Drehav warnan golow dha fas, A Arloedh.’

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Salmow 97:11

Golow a dardh rag an re wiryon, ha lowena rag an re ewnhynsek aga holonn.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Mika 7:9

My a berth sorrvann an Arloedh, drefenn re beghis er y bynn, bys pan bled ow hen ha gul breus ragov. Ev a'm hembronk y'n golow; y hwelav y ewnder.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Yowann 12:46

Devedhys ov y'n bys kepar ha golow, rag na wrello piwpynag a grysso ynnov vy triga yn tewlder.

Yowann 8:12

Ytho Yesu a gewsis dhedha arta, ow leverel, ‘My yw golow an bys; neb a'm hol, ny gerdh yn tewlder, mes ev a'n jevydh an golow a vewnans.’

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.