2 Samuel 22:1 - An Bibel Kernewek 20234 (Kernewek Kemmyn)

¹ Davydh a gewsis geryow an gan ma dhe'n Arloedh y'n jydh ma'n selwis an Arloedh dhiworth leuv y eskerens oll, ha dhiworth leuv Sowl;

2 Samuel 22:1 Iomraidhean Croise

2 Samuel 12:7

Ena yn-medh Nathan dhe Davydh, ‘Ty yw an gour. Yndellma y lever an Arloedh, Duw Ysrael: My a'th untyas myghtern war Ysrael, ha my a'th telivras yn-mes a leuv Sowl.

2 Samuel 22:49

neb a'm delirv dhiworth ow eskerens, ha'm drehevel a-ugh an re a sev er ow fynn; ty a'm delirv dhiworth an gour garow.

1 Kroniklys 16:7

Y'n jydh na Davydh a ordenas rag an kynsa gweyth grasyans dhe vos kenys dhe'n Arloedh gans Asaf ha'y vreder.

Salmow 34:19

Meur yw ankenyow an den gwiryon, mes an Arloedh a'n delirv dhiworta oll.

Salmow 50:14

Offrynn grasyans dhe Dhuw, ha kollanw dha ambosow dhe'n Ughella.

Eksodus 15:1

Ena Moyses ha mebyon Ysrael a ganas an gan ma dhe'n Arloedh, ow leverel, ‘Kana a wrav dhe'n Arloedh, rag ev re dryghis yn splann; an margh ha'y varghek ev re dewlis y'n mor.

2 Korinthianys 1:10

Ev re'gan delivras dhiworth mernans mar vras, hag ev a wra agan delivra; warnodho ni re worras agan govenek ev dh'agan delivra arta,

Dewteronomi 31:30

Ha Moyses a gewsis yn diwskovarn oll kuntellyans Ysrael geryow an gan ma bys yn a'ga diwedh:

2 Timothi 4:18

An Arloedh a wra ow delivra dhiworth pub drogober hag ow sawya rag y wlaskor nevek. Dhodho ev re bo gordhyans trank heb worfenn. Amen.

Breusysi 5:1

Ena Debora ha Barak mab Abinoam a ganas y'n jydh na, ow leverel:

1 Samuel 23:14

Yth esa Davydh trigys y'n gwylvos yn skonsow, yn bro venydhyek gwylvos Zif. Ha Sowl a'n hwilas pub dydh, mes ny wrug an Arloedh y dhelivra a-berth yn y leuv.

1 Samuel 24:15

Rakhenna re bo an Arloedh breusyas, ha breusi yntra my ha ty, ha gweles, ha pledya ow hen, ha'm delivra mes a'th leuv.’

1 Samuel 25:29

Mar sev yn-bann nebonan dhe'th helghya ha hwilas dha vewnans, bewnans ow arloedh a vydh maylys yn fardell an re vew gans an Arloedh dha Dhuw; mes bewnansow dha eskerens ev a dewl yn-mes, kepar ha dhiworth kew towlbrenn.

1 Samuel 26:24

Hag, otta, kepar dell veu dha vewnans drudh y'm golok y'n jydh hedhyw, yndella re bo ow bewnans drudh yn golok an Arloedh, ha re'm deliffro yn-mes a oll anken.’

1 Samuel 27:1

Davydh a brederis yn y golonn, ‘Lemmyn, my a verow unn jydh dre leuv Sowl; nyns eus travyth gwell ragov marnas diank hware dhe bow an Filistysi; ena Sowl a hedh dhe'm hwilas pella a-ji dhe oryon Ysrael, ha my a dhienk mes a'y leuv.’