2 Samuel 21:3 - An Bibel Kernewek 20234 (Kernewek Kemmyn)

³ Davydh a leveris dhe'n Gibeonysi, ‘Pandr'a wrav ragowgh? Fatell wrav vy dehwelyans, may fennigowgh eretons an Arloedh?’

2 Samuel 21:3 Iomraidhean Croise

2 Samuel 20:19

My yw onan a'n re yw kosel ha lel yn Ysrael. Ty a hwila distrui sita yw mamm yn Ysrael. Prag y fynnydh kollenki ertach an Arloedh?’

Eksodus 32:30

An vorow Moyses a leveris dhe'n bobel, ‘Hwi re beghas pegh meur. Ha lemmyn my a wra yskynna dhe'n Arloedh; martesen my a yll gul prenedh rag agas pegh.’

Levitikus 1:4

Ev a worr y leuv war benn an sakrifis leskys, ha kemmeradow vydh ragdho, dhe wul dehwelyans ragdho.

Yona 1:11

Ena yn-medhons dhodho, ‘Pandr'a wren ni dhiso jy, may fo an mor spavenhes ragon?’ Rag an mor a dheuth ha bos moy ha moy garow.

Ebrowyon 9:22

Yn hwir, herwydh an lagha ogas pub tra yw glanhes gans goes, ha heb skoellya goes ny vydh dehwelyans peghosow.

1 Samuel 2:25

Mar pegh unn gour erbynn gour arall, Duw a vreus yntredha; mes mar pegh gour erbynn an Arloedh, piw a vydh an pledyas ragdho?’ Mes ny woslowsons orth lev aga thas; drefenn bos bodh an Arloedh aga ladha.

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”