2 Samuel 21:16 - An Bibel Kernewek 20234 (Kernewek Kemmyn)

¹⁶ Hag Yshbi-benob, onan a vebyon an gewri, may feu poes y wuw trihans shekel a vrons, hag ev grogysys gans kledha nowydh, a brederis ev dhe ladha Davydh.

2 Samuel 21:16 Iomraidhean Croise

Jenesis 14:5

Hag y'n peswardhegves blydhen, Kedorlaomer ha'n vyghternedh esa ganso a dheuth ha fetha an Refaim yn Ashteroth-karnaym ha'n Zuzim yn Ham ha'n Emim yn Shave-kiryathaym,

Jenesis 6:4

Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

2 Samuel 21:18

Wosa hemma, yth esa batel arta gans an Filistysi yn Gob; ena Sibbekay an Hushathyas a ladhas Saf, neb o onan a vebyon an gewri.

2 Samuel 21:20

Hag yth esa batel arall yn Gath, mayth esa gour pur vras a'n jevo war bub leuv hwegh bys, ha war bub droes hwegh bys-troes, peswar warn ugens yn niver; hag ev ynwedh a veu dineythys dhe'n gewri.

2 Samuel 21:22

An peswar ma a veu dineythys dhe'n gewri yn Gath, hag i a goedhas dre leuv Davydh, ha dre leuv y wesyon.

2 Samuel 5:18

Lemmyn an Filistysi a dheuth hag omlesa y'n nans Refaim.

Niverow 13:22

I a yskynnas dhe'n Negeb, ha dos dhe Hebron; hag yth esa ena Ahiman, Sheshay, ha Talmay, diyskynnysi Anak. (Hebron a veu drehevys seyth blydhen kyns es Soan yn Ejyp.)

Niverow 13:28

Mes an bobel trigys y'n tir yw krev, ha'n sitys yw kerys ha pur vras; ha dres henna, ni a welas diyskynnysi Anak ena.

Dewteronomi 1:28

Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

Dewteronomi 2:10

(An Emim esa trigys ynni kyns, pobel vras, lies ha hir avel an Anakim.

Dewteronomi 2:11

Ynwedh i o tybys dhe vos Refaim, kepar ha'n Anakim, mes an Moabysi a's henwis Emim.

Dewteronomi 2:21

Pobel vras ens, lies ha hir avel an Anakim. An Arloedh a's distruis a-ragdha, hag i a's fesyas ha triga ena yn aga le;

Dewteronomi 3:11

Rag ny veu gesys saw unnsel Og myghtern Bashan dhiworth remenant an Refaim. Otta, y weli o gweli a horn: a nyns usi yn Rabbath a vebyon Ammon? Naw kevelin yw y hys ha peswar kevelin y les, war-lergh kevelin gour.

Dewteronomi 9:2

pobel vras ha hir, mebyon an Anakim a aswonnydh, ha ty re'n klewas bos leverys, ‘Piw a yll sevel a-rag mebyon Anak?’

Yoshua 11:22

Nyns esa gesys an Anakim yn tir an Ysraelysi, mes nebes a veu gesys yn Gaza, yn Gath, hag yn Ashdod.

Yoshua 15:14

Ha Kaleb a fesyas alena tri mab Anak: Sheshay, Ahiman, ha Talmay, fleghes Anak.

1 Samuel 17:7

Sheft y wuw o kepar ha gwelenn gwiader, ha poes penn y wuw o hwegh kans shekel a horn; ha'y skoeswas eth a-dheragdho.