2 Samuel 21:10 - An Bibel Kernewek 20234 (Kernewek Kemmyn)

¹⁰ Ena Rispa myrgh Aya a gemmeras yskar ha'y lesa rygdhi hy honan war an garrek, dhiworth dalleth an drevas bys pan goedhas dowr war an korfow dhiworth an nevow; ha ny asas dhe bowes warnedha naneyl ydhyn an ayr dres dydh, na bestes gwyls dres nos.

2 Samuel 21:10 Iomraidhean Croise

Jenesis 40:19

A-ji dhe drydydh, Faro a dhrehav dha benn dhiworthis ha'th kregi war wydhenn, hag y fydh an ydhyn ow tybri dha gig dhiworthis.’

2 Samuel 21:11

Pan veu derivys dhe Davydh an pyth a wrug Rispa myrgh Aya, iswreg Sowl,

2 Samuel 3:7

Lemmyn yth esa dhe Sowl iswreg, ha'y hanow Rispa myrgh Aya. Ish-bosheth a leveris dhe Abner, ‘Prag y hwruss'ta mos a-ji dhe iswreg ow thas?’

1 Myghternedh 21:27

Pan glewas Ahab an geryow na, ev a skwardyas y dhillas ha gorra saghlenn war y gig noeth; ev a wrug penys, growedha y'n saghlenn, ha mos a-dro yn foredhek.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Ezekiel 39:4

Ty a goedh war venydhyow Ysrael, ty hag oll dha luyow, ha'n poblow eus genes; my a'th re dhe ydhyn-preydh a bub eghenn ha dhe'n bestes gwyls avel boes.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Yoel 1:18

Assa wra an gwarthek hanasa! Penndegys yw an oghen, drefenn nag eus peur dhedha; devri, gwrys yn ahwer yw greow an deves.

Yoel 2:23

Ytho bedhewgh heudhik, hwi vebyon Sion, ha lowenhewgh y'n Arloedh agas Duw: rag ev re ros dhywgh an glaw a-varr rag ewnder, hag ev re dhros glaw yn-nans ragowgh: glaw a-varr ha glaw diwedhes kepar hag y'n dalleth.

Zekaria 10:1

Govynnewgh glaw orth an Arloedh yn termyn an glaw diwedhes. An Arloedh a wra kommol tewedh; ev a re kowasow glaw dhedha, ha dhe bubonan ev a re gwels y'n gwel.

Dewteronomi 11:14

ena y rov glaw rag agas tiredh yn y dermyn, an glaw a-varr ha'n glaw diwedhes, rag may kuntelli dha ys ha'th win ha'th olew.

Dewteronomi 21:13

Hi a dhiwisk a-dhiwarnedhi dillas hy hethneth ha triga y'th chi ha kyni rag hy thas ha'y mamm unn mis kowal, hag a-wosa ty a dheu dhedhi ha'y demmedhi ha hi a vydh dha wreg.

Dewteronomi 21:22

Mars eus yn gour pegh a dhervynn an mernans, hag ev yw gorrys dhe'n mernans, ha ty a'n kreg war wydhenn,

Dewteronomi 21:23

na vedhes gesys y gorf dre nos war an wydhenn, mes ty a'n ynkleudh an keth jydh na, rag milligys gans Duw yw den kregys; ma na dhefolli dha dir a wra an Arloedh dha Dhuw y ri dhis avel eretons.

1 Samuel 17:44

Hag yn-medh an Filistyas dhe Davydh, ‘Deus dhymm, ha my a re dha gig dhe ydhyn an ayr ha dhe vestes an gwel.’

1 Samuel 17:46

Y'n jydh hedhyw an Arloedh a wra dha dhelivra y'm leuv, ha my a'th wysk dhe'n leur ha treghi dhe-ves dha benn; ha my a re korfow marow lu an Filistysi y'n jydh hedhyw dhe ydhyn an ayr ha dhe vestes an dor, may hwodhvo oll an norvys bos Duw yn Ysrael,