2 Samuel 21:1 - An Bibel Kernewek 20234 (Kernewek Kemmyn)

¹ Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

2 Samuel 21:1 Iomraidhean Croise

Jenesis 12:10

Mes yth esa divoetter y'n pow; ytho Abram eth yn-nans dhe Ejyp dhe driga ena, rag bos an divoetter poes y'n pow.

Jenesis 26:1

Yth esa divoetter arall y'n pow, dres an kynsa divoetter re hwarva yn dydhyow Abraham, hag yth eth Ysak dhe Abimelek myghtern an Filistysi, bys yn Gerar.

Jenesis 41:57

Hag oll an bys a dheuth dhe Ejyp dhe brena dhiworth Yosep, rag bos an divoetter tynn yn oll an bys.

Jenesis 42:5

Ytho mebyon Ysrael a dheuth dhe brena ys yn mysk an re erell esa ow tos; rag yth esa divoetter yn pow Kanan.

Jenesis 43:1

Tynn o an divoetter y'n pow.

2 Samuel 16:8

An Arloedh re attylis warnas oll goes chi Sowl, may reynsys yn y le; ha'n Arloedh re dhelivras an wlaskor yn leuv Absalom dha vab, hag ottajy yn anken, drefenn dha vos gour goesek.’

2 Samuel 20:26

hag Ira an Yairyas ynwedh o oferyas dhe Davydh.

2 Samuel 21:5

I a worthybis dhe'n myghtern, ‘An gour neb a'gan diswrug, hag a dewlis towl dh'agan distrui ma na gyffyn tyller yn oll pow Ysrael,

2 Samuel 24:1

Arta sorr an Arloedh a dhewis erbynn Ysrael, hag ev a vovyas Davydh er aga fynn ha leverel, ‘Ke ha nivera Ysrael ha Yuda.’

2 Samuel 5:19

Ytho Davydh a wovynnas orth an Arloedh, ha leverel, ‘A wrav vy mones yn-bann erbynn an Filistysi? A vynn'ta aga delivra a-berth y'm leuv?’ Ha'n Arloedh a leveris dhe Davydh, ‘Ke yn-bann; rag my a vynn yn hwir delivra an Filistysi a-berth y'th leuv.’

2 Samuel 5:23

Ha pan wovynnas Davydh orth an Arloedh, ev a leveris, ‘Ny edh yn-bann; ke a-dro a-dryv dhedha, ha deus warnedha a-dal an gwydh balsam.

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 18:2

Ytho Elias eth hag omdhiskwedhes dhe Ahab. An divoetter o sevur yn Samaria.

2 Myghternedh 6:25

Yth esa divoetter bras yn Samaria hag yth esens ow kul an esedhva warnedhi bys may feu penn asen gwerthys a beswar-ugens bath a arghans, ha kwarter kab a gawgh kelemmi a bymp bath a arghans.

2 Myghternedh 8:1

Elisha a gewsis orth an venyn a dhros ev hy mab arta dhe vewnans, ow leverel, ‘Sav yn-bann ha ke gans dha vayni, ha triga plepynag may hylli triga; rag an Arloedh re worhemmynnis divoetter a seyth blydhen, ha re dheuth seulabrys dhe'n tir.

Job 10:2

My a lever dhe Dhuw, Na'm dampen; lavar dhymm, pyth yw dha guhudhans er ow fynn.

Salmow 27:8

Ow holonn re leveris ahanas, ‘Hwila y fas.’ Dha fas, A Arloedh, a hwilav vy.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Levitikus 26:26

Ha pan wrylliv vy terri gwelenn agas bara, deg benyn a wra pobas agas bara yn unn forn, hag i a dhaskorr dhywgh agas bara orth poes, ha hwi a'n deber ha ny vydh lowr ragowgh.

Niverow 27:21

Hag ev a wra sevel a-rag Eleazar an oferyas, neb a wra govynn ragdho herwydh breus Urim a-rag an Arloedh; orth y er i a wra mos yn-mes, hag orth y er i a wra dos a-ji, hag ev ha mebyon Ysrael oll ganso, an kuntelles oll.’

Yoshua 7:1

Mes mebyon Ysrael a veu dislen yn mater an taklow sakrys; Akan mab Karmi mab Zabdi mab Zeragh, a loeth Yuda, a gemmeras re a'n taklow sakrys; ha sorr an Arloedh a loskas erbynn an Ysraelysi.

Yoshua 9:20

Hemma ni a wra dhedha: Ni a's gas dhe vewa, ma na vydh sorr warnan, drefenn an ti a desen dhedha.’

Ruth 1:1

Ha dell hwarva yn dydhyow rewl an vreusysi, yth esa divoetter y'n tir, ha gour a Bethlehem-yuda eth dhe wodriga yn tiredh Moab, ev ha'y wreg ha'y dhew vab.

1 Samuel 10:22

Ytho i a wovynnas orth an Arloedh arta, ‘Eus gour hwath dhe dhos omma?’ Hag yn-medh an Arloedh, ‘Ottava, kudhys yn mysk an fardellow.’

1 Samuel 23:11

A wra Sowl dos yn-nans, dell glewas dha was? A Arloedh, Duw Ysrael, my a'th pys lavar dhe'th was.’ An Arloedh a leveris, ‘Ev a wra dos yn-nans.’

1 Samuel 23:2

Davydh a wovynnas orth an Arloedh, ‘A wrav vy mos ha gweskel an Filistysi ma?’ Ha'n Arloedh a leveris dhe Davydh, ‘Ke ha gwask an Filistysi, ha saw Keila.’

1 Samuel 23:4

Ena Davydh a wovynnas orth an Arloedh arta. Ha'n Arloedh a worthybis dhodho ha leverel, ‘Sav, Ke yn-nans dhe Keila; rag my a re an Filistysi a-berth y'th leuv.’