2 Samuel 20:22 - An Bibel Kernewek 20234 (Kernewek Kemmyn)

²² Ena an venyn eth dhe oll an bobel gans hy husul fur, hag i a droghas dhe-ves penn Sheba mab Bikri ha'y dewlel dhe Yoab. Ytho ev a hwythas an hirgorn, hag i eth dhiworth an sita, pub gour dh'y dylda. Ha Yoab a dhehwelis dhe Yerusalem dhe'n myghtern.

2 Samuel 20:22 Iomraidhean Croise

2 Samuel 18:16

Ena Yoab a hwythas an hirgorn, ha'n bobel a dhehwelis dhiworth helghya war-lergh Ysrael, rag Yoab a lestas an bobel.

2 Samuel 18:17

I a gemmeras Absalom ha'y dewlel yn pytt bras y'n goeswik, ha drehevel a-ughto kals bras a veyn. Hag oll Ysrael a fias, pubonan dh'y dylda.

2 Samuel 2:28

Ytho Yoab a hwythas an korn, hag oll an bobel a hedhis; ny helghsons war-lergh Ysrael namoy na breseli na fella.

2 Samuel 20:1

Y hwarva bos gour Belial ena, ha'y hanow Sheba mab Bikri, Benyaminyas. Ev a hwythas an hirgorn ha garma, ‘Nyns eus dhyn rann vyth yn Davydh, na eretons yn mab Yesse. Pub gour dh'y dylda, A Ysrael!’

2 Samuel 20:16

Ena benyn fur a armas dhiworth an sita, ‘Goslowewgh! Goslowewgh! Leverewgh, my a's pys, dhe Yoab, “Deus nes may hallav kewsel genes.” ’

Ekklesiastes 7:19

Furneth a re nerth dhe dhen fur, moy es deg rewler usi yn sita.

Ekklesiastes 8:11

Pan nag eus breus gwrys a-dhesempis rag neb drogober, kennerthys yw kolonn mebyon den dhe wul drog.