2 Samuel 20:10 - An Bibel Kernewek 20234 (Kernewek Kemmyn)

¹⁰ Mes ny attendyas Amasa an kledha yn dorn Yoab, hag ev a'n gweskis ganso yn y dorr, ha'y golodhyon a dhinewis yn-mes dhe'n dor. Ny'n gweskis arta, hag ev a verwis. Ena Yoab ha'y vroder Abishay a helghyas Sheba mab Bikri.

2 Samuel 20:10 Iomraidhean Croise

Jenesis 4:8

Yn-medh Kayn dhe Abel y vroder, ‘Deun ni yn-mes dhe'n gwel.’ Ha pan esens y'n gwel, Kayn a sevis erbynn Abel y vroder ha'y ladha.

2 Samuel 2:23

Mes ev a naghas treylya a-denewen. Ytho Abner a'n gweskis gans penn-goeles sheft y wuw yn y dorr may teuth an guw mes a'y geyn. Ev a goedhas ena, ha merwel poran y'n tyller na. Ha peub neb a dho dhe'n tyller may koedhas Asahel ha merwel a sevis stag.

2 Samuel 20:9

Yn-medh Yoab dhe Amasa, ‘Osta yn yeghes, ow broder?’ Ha Yoab a settyas dalghenn yn barv Amasa gans y dhorn dhyghow dhe amma dhodho.

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

1 Kroniklys 12:2

Gwaregoryon ens, hag i a ylli tenna sethow ha tewlel meyn gans an leuv dhyghow po an leuv gledh; i o Benyaminysi, breder Sowl.

Yeremia 41:2

Yshmael mab Nethania, ha'n deg gwer esa ganso, a sevis ha gweskel Gedalia mab Ahikam mab Shefan gans an kledha ha'y ladha, ev neb a veu gwrys governour an tir gans myghtern Babylon.

Niverow 35:20

Ha mara'n gwanas gans kas, po tewlel orto, ow kontrewaytya, may ferwis,

Breusysi 3:15

Mes pan grias mebyon Ysrael dhe'n Arloedh, an ARLOEDH a dhrehevis ragdha delivrer, Ehud mab Gera, Benyaminyas, gour kledhek. Mebyon Ysrael a dhannvonas trubyt dhodho der Eglon myghtern Moab.

Breusysi 3:21

Ena Ehud a ystynnas y dhorn gledh, hag a gemmeras an kledha a'y vordhos dhyghow ha'y wana yn y dorr;

1 Samuel 26:8

Ena Abishay a leveris dhe Davydh, ‘Duw re dhelivras dha eskar a-berth y'th leuv y'n jydh hedhyw; lemmyn rakhenna gas vy dh'y weskel dhe'n dor, my a'th pys, gans unn pych a'n guw; ny'n gwaskav diwweyth.’