2 Samuel 2:5 - An Bibel Kernewek 20234 (Kernewek Kemmyn)

⁵ Davydh a dhannvonas kannasow dhe wer Yabesh-gilead ha leverel dhedha, ‘Bennigys owgh gans an Arloedh drefenn hwi dhe wul an tregeredh ma dh'agas arloedh, dhe Sowl, ha'y ynkleudhyas.

2 Samuel 2:5 Iomraidhean Croise

Jenesis 14:19

Hag ev a'n bennigas ha leverel, ‘Benniges re bo Abram gans Duw Ughella, Gwrier nev ha nor.

Jenesis 14:22

Mes Abram a leveris dhe vyghtern Sodom, ‘My re dhrehevis ow leuv dhe'n Arloedh, Duw Ughella, Gwrier nev ha nor,

2 Samuel 15:20

De y teuthys, ha hedhyw, a wrav vy ty dhe wandra a-dro genen, pan wrav vy mos plepynag mayth ylliv? Dehwel, ha kemmer dha vreder genes; ha re bo tregeredh ha lelder genowgh.’

2 Samuel 21:12

Davydh eth ha kemmeres eskern Sowl ha Yonathan y vab dhiworth gwer Yabesh-gilead, neb a's ladras dhiworth plen Beth-shan, le ma's krogas an Filistysi, wosa an Filistysi dhe weskel Sowl yn Gilboa.

Salmow 115:15

An re bennigys gans an Arloedh owgh hwi, formyer nev ha nor.

Yoshua 2:14

Yn-medh an wer dhedhi, ‘Re bo agan bewnans ni ragowgh bys y'n mernans! Mar ny dhiskudhowgh agan negys, pan re an Arloedh dhyn an tir, ny a'th tyght gans tregeredh ha lelder.’

Breusysi 21:8

Ena i a leveris, ‘Eus nebonan a loethow Ysrael na dheuth yn-bann dhe'n Arloedh dhe Mispa?’ Y hwarva na dhothya nagonan a Yabesh-gilead dhe'n kamp, dhe'n kuntelles.

Ruth 1:8

Hag yn-medh Naomi dh'y diw wohydh, ‘Kewgh, dehwelewgh pubonan dhe ji hy mamm. Re wrello an Arloedh diskwedhes tregeredh dhywgh kepar dell wrussowgh hwi dhe'n re varow ha dhymmo vy.

Ruth 2:20

Hag yn-medh Naomi dh'y gohydh, ‘Bennigys re bo ev gans an Arloedh na forsakyas y dregeredh troha'n re vew ha'n re varow.’ Ha Naomi a leveris dhedhi, ‘An gour ma yw neskar dhyn, onan a'gan dasprenysi ywa.’

Ruth 3:10

Hag yn-medh ev, ‘Bennigys osta gans an Arloedh, ow myrgh, moy yw dha guvder y'n diwedh es y'n dalleth. Rag ny wruss'ta mos war-lergh an wer yowynk, po boghosek po rych.

1 Samuel 11:1

Ena Nahash an Ammonyas a dheuth yn-bann hag omsettya a-dro dhe Yabesh Gilead. Hag oll gwer Yabesh a leveris dhodho, ‘Gwra kevambos genen, ha ni a wra dha servya.’

1 Samuel 11:9

I a leveris dhe'n kannasow neb a dheuth, ‘Yndella hwi a lever dhe wer Yabesh-gilead: “A-vorow erbynn an termyn may fydh an howl toemm, hwi a'gas bydh delivrans.” ’ An kannasow a dheuth ha derivas hemma orth gwer Yabesh, ha lowen ens.

1 Samuel 15:13

Pan dheuth Samuel dhe Sowl, Sowl a leveris dhodho, ‘Bennigys re bi gans an Arloedh; my re gollenwis gorhemmynn an Arloedh.’

1 Samuel 23:21

Hag yn-medh Sowl, ‘Bennigys re bowgh gans an Arloedh; rag hwi re dhiskwedhas truedh troha my.

1 Samuel 24:19

Rag piw re gavas eskar, ha dannvon an eskar dhe-ves yn saw? Ytho re'th tallo an Arloedh gans dader rag an pyth re wrussys dhymm y'n jydh hedhyw.