2 Samuel 2:26 - An Bibel Kernewek 20234 (Kernewek Kemmyn)

²⁶ Ena Abner a armas dhe Yoab ha leverel, ‘A wra an kledha devorya bys vykken? A ny wodhes y fydh an diwedh hwerow? Pes termyn y fydh kyns ty dhe leverel dhe'n bobel may treyllyons dhiworth helghya aga breder?’

2 Samuel 2:26 Iomraidhean Croise

2 Samuel 11:25

Yn-medh Davydh dhe'n gannas, ‘Yndella ty a lever dhe Yoab, “Na vedhes an dra ma drog y'th wolok, rag an kledha a dheber an eyl kepar ha'y gila; krevha dha vatel orth an sita, ha'y domhwel.” Ha kennerth e.’

2 Samuel 2:14

Yn-medh Abner dhe Yoab, ‘Seves an wer yowynk hag omladhens a-dheragon.’ Hag yn-medh Yoab, ‘Sevens.’

2 Samuel 2:16

Pubonan a settyas dalghenn yn penn y gila, ha gwana y gledha yn tenewen y erbynner may koedhsons war-barth. Rakhenna an tyller yw henwys Helkath-hassurim, usi yn Gibeon.

2 Samuel 2:25

Mebyon Benyamin a omguntellas a-dro dhe Abner, hag i a dheuth ha bos unn bagas, hag i a sevis war wartha bre.

2 Samuel 2:27

Yoab a worthybis, ‘Dell vew Duw, mar ny gowsses, yn sur y fia myttin kyns pub gour dhe asa helghya y vroder.’

Job 18:2

‘Pes termyn y fydh kyns hwi dhe worfenna an arethyow ma? Bedhewgh fur hag a-wosa ni a geskews.

Job 19:2

‘Pes termyn y fynnowgh tormentya ow enev, ha'm brewi gans geryow?

Salmow 4:2

Hwi vebyon den, pygemmys prys y fydh ow golewder treylys dhe dhespit? Pygemmys prys y kerowgh euveredh, ow hwilas gow? Sela.

Lavarow Koth 17:14

Dalleth strif yw avel gasa dowr dhe skapya, ytho gas an gedrynn kyns hi dhe dardha yn-mes.

Ysay 1:20

mes mar skonyowgh ha rebellya, hwi a vydh dybrys gans an kledha; rag ganow an Arloedh re gewsis.

Yeremia 12:12

An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 4:21

Pes termyn y hwelav an baner, ha klewes son an hirgorn?

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Yeremia 46:14

Diskleryewgh yn Ejyp, ha gwarnya yn Migdol; gwarnyewgh yn Nof hag yn Tahpanhes; leverewgh, ‘Kemmer dha savla, ha bydh parys, rag an kledha a dhevor an re a-dro dhis.’

Hosea 11:6

An kledha a wra troyllya erbynn y sitys, ha distrui an varrys a'y yetys, ha'ga dybri drefenn aga thowlow.

Oberow 7:26

Ha ternos ev a omdhiskwedhas dhedha, hag i owth omladh, hag ev a assayas aga unnverhe yn kres, ow leverel, “Gwer, breder owgh hwi; prag y kammdhyghtyowgh an eyl y gila?”