2 Samuel 2:23 - An Bibel Kernewek 20234 (Kernewek Kemmyn)

²³ Mes ev a naghas treylya a-denewen. Ytho Abner a'n gweskis gans penn-goeles sheft y wuw yn y dorr may teuth an guw mes a'y geyn. Ev a goedhas ena, ha merwel poran y'n tyller na. Ha peub neb a dho dhe'n tyller may koedhas Asahel ha merwel a sevis stag.

2 Samuel 2:23 Iomraidhean Croise

2 Samuel 2:24

Mes Yoab hag Abishay a helghyas war-lergh Abner. Ha pan sedhis an howl, i a dheuth dhe vre Amma, usi a-rag Giagh war an fordh dhe wylvos Gibeon.

2 Samuel 20:10

Mes ny attendyas Amasa an kledha yn dorn Yoab, hag ev a'n gweskis ganso yn y dorr, ha'y golodhyon a dhinewis yn-mes dhe'n dor. Ny'n gweskis arta, hag ev a verwis. Ena Yoab ha'y vroder Abishay a helghyas Sheba mab Bikri.

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

2 Samuel 3:30

Ytho Yoab ha'y vroder Abishay a ladhas Abner, drefenn ev dhe ladha aga broder Asahel y'n gas yn Gibeon.

2 Samuel 4:6

Hag otta, porthores an chi re bia ow klanhe gwaneth, mes hi eth ha bos hunyek ha koska; ytho Rekab ha Baana y vroder a slynkyas a-ji.

2 Samuel 5:6

An myghtern ha'y wer eth dhe Yerusalem erbynn an Yebusysi, trigoryon an tir na, hag i a armas dhe Davydh, ‘Ny yllydh entra omma, rag an dhellyon ha'n re glof a yll dha bellhe.’ Rag i a dybi, ‘Ny yll Davydh entra omma.’