2 Samuel 2:19 - An Bibel Kernewek 20234 (Kernewek Kemmyn)

¹⁹ hag Asahel a jasyas war-lergh Abner, ha ny dreylyas na dhe'n dyghow na dhe'n kledh hag ev orth y holya.

2 Samuel 2:19 Iomraidhean Croise

2 Samuel 2:18

Yth esa tri mab Seruya ena, Yoab, Abishay, hag Asahel. Lemmyn maga skav war y droes avel ewik y'n gwel o Asahel;

2 Samuel 2:20

Ena Abner a dreylyas a-dro ha govynn, ‘Osta Asahel?’ Hag ev a worthybis, ‘Ov.’

2 Samuel 2:21

Hag Abner a armas dhodho, ‘Treyl a-denewen dhe'th kledh po dhe'th tyghow, ha dalghenn onan a'n wer yowynk ha dhestrypp y arvow ragos dha honan.’ Mes ny vynnas treylya a-denewen dhiworto.

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

2 Samuel 3:30

Ytho Yoab ha'y vroder Abishay a ladhas Abner, drefenn ev dhe ladha aga broder Asahel y'n gas yn Gibeon.

2 Myghternedh 22:2

Ev a wrug an pyth o ewn yn golok an Arloedh, ha kerdhes yn fordh Davydh y das, ha ny dreylyas a-denewen dhe'n dyghow na dhe'n kledh.

Lavarow Koth 4:27

Na dreyl, naneyl dhe'n dyghow na dhe'n kledh; treyl dha droes dhe-ves a dhrog.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.

Yoshua 23:6

Ytho bedhewgh pur grev, ha gwaytyewgh gul pup-tra yw skrifys yn lyver lagha Moyses, heb treylya a-denewen naneyl dhe'n barth dhyghow na dhe'n barth kledh.