2 Samuel 2:18 - An Bibel Kernewek 20234 (Kernewek Kemmyn)

¹⁸ Yth esa tri mab Seruya ena, Yoab, Abishay, hag Asahel. Lemmyn maga skav war y droes avel ewik y'n gwel o Asahel;

2 Samuel 2:18 Iomraidhean Croise

2 Samuel 1:23

Sowl ha Yonathan, yn aga bewnans meurgerys ha jentyl, hag yn mernans nyns ens rynnys; skaffa es eryon ens, kreffa es lewyon ens.

2 Samuel 14:1

Lemmyn Yoab mab Seruya a welas bos kolonn an myghtern war Absalom.

2 Samuel 2:19

hag Asahel a jasyas war-lergh Abner, ha ny dreylyas na dhe'n dyghow na dhe'n kledh hag ev orth y holya.

2 Samuel 22:34

Ev a wra ow threys kepar ha treys ewigow, ha'm settya war an tylleryow ughel.

2 Samuel 23:24

Yn mysk an Deg warn ugens a veu Asahel broder Yoab, Elhanan mab Dodo a Bethlehem,

1 Myghternedh 2:5

‘Kekeffrys ty a woer an pyth a wrug Yoab mab Seruya dhymm, ha'n pyth a wrug ev dhe'n dhew gapten a luyow Ysrael, dhe Abner mab Ner, ha dhe Amasa mab Yether; ev a's ladhas, ha skoellya an goes a vresel yn termyn kres, ow korra an goes a vresel war an grogys esa a-dro dh'y dhiwglun, ha war y eskisyow esa war y dhewdroes.

1 Kroniklys 11:26

An wer alloesek o Asahel broder Yoab, Elhanan mab Dodo a Bethlehem,

1 Kroniklys 12:8

Rann an Gadysi a gildennas dhe Davydh y'n dinas y'n gwylvos. I o kasoryon alloesek ha dyskys yn batel, konnyk gans skoes ha guw. Aga fas o kepar ha fas lewyon hag i o mar skav avel gavrewiges war an menydhyow.

1 Kroniklys 12:9

Ezer an penn, Obadia an nessa, Eliab an tressa,

1 Kroniklys 27:7

An peswora, rag an peswora mis, o Asahel broder Yoab, ha'y vab Zebadia war y lergh; yn y rann yth esa peswar mil warn ugens.

Salmow 18:33

Ev a wra ow threys kepar ha treys ewigow, ha'm settya fyrv war dylleryow ughel.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

An Gan a Ganow 2:17

Bys pan anello an jydh, ha'n skeusow a vo fiys dhe'n fo, treyl, ow haradow, bydh kepar hag ewik, po karow yowynk, war an menydhyow a spisys.

An Gan a Ganow 8:14

Fisten dhe-ves, ow haradow, ha bydh kepar hag ewik po karow yowynk war an menydhyow a spisys.

Amos 2:14

Ny vydh tyller dhe fia dhodho rag an den skav, ha'n den krev ny with y nerth, na ny yll an kasor omsawya.

Habakkuk 3:19

An Arloedh Duw yw ow nerth, hag ev a wra ow threys kepar ha treys ewigow, hag ev a wra dhymm kerdhes war ow thylleryow ughel. Dhe'n penn-kenysi war dhaffar kerdyn.

1 Samuel 26:6

Ena Davydh a leveris dhe Ahimelek an Hittyas, ha dhe Abishay mab Seruya, broder Yoab, ‘Piw a vynn mones yn-nans genev a-ji dhe'n kamp dhe Sowl?’ Hag Abishay a worthybis, ‘My a vynn mones genes.’