2 Samuel 19:9 - An Bibel Kernewek 20234 (Kernewek Kemmyn)

⁹ Hag yth esa oll an dus ow kedrynna der oll loethow Ysrael, ow leverel, ‘An myghtern a'gan delivras yn-mes a leuv agan eskerens, ha'gan sawya dhiworth leuv an Filistysi; ha lemmyn ev re fias yn-mes a'n pow drefenn Absalom,

2 Samuel 19:9 Iomraidhean Croise

2 Samuel 15:14

Ena Davydh a leveris dhe oll y wesyon esa ganso yn Yerusalem, ‘Sevewgh, ha fiyn; poken ny dhienkyn dhiworth Absalom. Fistenewgh, po ev a dremen dreson a-dhesempis, ha dri drog warnan, ha gweskel an sita gans min an kledha.’

2 Samuel 18:17

I a gemmeras Absalom ha'y dewlel yn pytt bras y'n goeswik, ha drehevel a-ughto kals bras a veyn. Hag oll Ysrael a fias, pubonan dh'y dylda.

2 Samuel 19:10

hag Absalom, neb a untsyn warnan, yw marow yn batel. Ytho prag na leverowgh ger vyth a-dro dhe dhri an myghtern dhe-dre?’

2 Samuel 19:40

Ena an myghtern eth yn-rag dhe Gilgal, ha Kimham eth yn-rag ganso; hag oll pobel Yuda, hag ynwedh hanter pobel Ysrael, a dhros an myghtern war y fordh.

2 Samuel 22:44

Ty a'm delirv dhiworth strifow ow fobel, ha'm settya avel penn an kenedhlow; pobel na aswonnis a wra ow servya.

2 Samuel 5:20

Ytho Davydh a dheuth dhe Baal-perasim, ha Davydh a's fethas ena. Yn-medh ev, ‘An Arloedh re dardhas der ow eskerens der ow leuv, kepar dell dardh dowrow.’ Rakhenna ev a elwis an tyller na Baal-perasim.

Salmow 18:43

Ty re'm delivras dhiworth strifow an bobel, ha'm gorra yn penn an kenedhlow; pobel na aswonnis vy a wra ow servya.

Eksodus 32:24

Ha my a leveris dhedha, “Neb a'n jeffo owr, gwres y denna anodho”; yndella i a'n ros dhymm, ha my a'n tewlis y'n tan, hag y teuth yn-mes an leugh ma.’

1 Samuel 17:50

Ytho Davydh a warthevyas war an Filistyas dre dowlbrenn ha dre ven, ha gweskel dhe'n leur an Filistyas ha'y ladha; mes nyns esa kledha vyth yn dorn Davydh.

1 Samuel 18:25

Ena Sowl a leveris, ‘Yndella y leverewgh dhe Davydh, “Ny vynn an myghtern ro demmedhyans vyth marnas kans kudhgenn a'n Filistysi, dhe dyli dial war eskerens an myghtern.” ’ Mes towl Sowl o gul Davydh dhe goedha dre leuv an Filistysi.

1 Samuel 19:5

rag ev a worras y vewnans yn y leuv ha ladha an Filistyas, ha'n Arloedh a dhros trygh meur rag oll Ysrael. Ty a'n gwelas ha lowenhe; prag y fynnydh pegha erbynn goes gwiryon, dhe ladha Davydh heb ken?’