2 Samuel 19:8 - An Bibel Kernewek 20234 (Kernewek Kemmyn)

⁸ Ytho an myghtern a sevis hag esedha y'n yet. Hag y feu derivys orth oll an bobel, ‘Awotta, yma an myghtern owth esedha y'n yet.’ Hag oll an bobel a dheuth dherag an myghtern. Mes oll Ysrael re fisa pub gour dh'y dylda.

2 Samuel 19:8 Iomraidhean Croise

2 Samuel 15:2

Absalom a sevi a-varr ha sevel ryb fordh an yet; ha peskweyth may to nebonan a'n jeva ken dhe vos gorrys a-rag an myghtern rag breus, Absalom a elwi dhodho, ha leverel, ‘A by sita osta?’ Hag ev a worthybi, ‘Dha was yw dhiworth onan a loethow Ysrael.’

2 Samuel 18:17

I a gemmeras Absalom ha'y dewlel yn pytt bras y'n goeswik, ha drehevel a-ughto kals bras a veyn. Hag oll Ysrael a fias, pubonan dh'y dylda.

2 Samuel 18:24

Yth esa Davydh owth esedha ynter an dhiw yet; ha'n goelyador eth yn-bann dhe do an yet ryb an fos, ha drehevel y dhewlagas, ha mires, hag otta yth esa gour ow poenya y honan.

2 Samuel 18:4

Yn-medh an myghtern dhedha, ‘Pypynag a hevel da dhywgh, my a'n gwra.’ Ytho an myghtern a sevis ryb tenewen an yet, hag oll an bobel a dheuth yn-mes yn kansow hag yn milyow.

2 Samuel 19:3

An bobel a slynkyas a-ji dhe'n sita avel ladron, dell slynk an bobel rag meth, ow fia dhe'n fo y'n vatel.

1 Myghternedh 22:36

Ena a-dro dhe howlsedhes garm eth der an lu ervys, ‘Pub gour dh'y sita, ha pub gour dh'y vro y honan!’

2 Myghternedh 14:12

Yuda a veu fethys gans Ysrael, ha pub gour a fias dh'y dylda.

2 Myghternedh 8:21

Ena Yehoram a dremenas dhe Sair gans oll y jarettow. Ev a ehwias y'n nos ha gweskel Edom esa ow kyrghynna ev ha kaptenyon an charettow; mes y lu a fias tre.

1 Samuel 4:10

Ytho an Filistysi a vatalyas; hag Ysrael o fethys, hag i a fias pub gour dh'y dylda. Yth esa ladhva pur vras, rag y koedhas a Ysrael deg mil droesek warn ugens.