2 Samuel 19:5 - An Bibel Kernewek 20234 (Kernewek Kemmyn)

⁵ Ena Yoab a dheuth a-ji dhe'n chi dhe'n myghtern ha leverel, ‘Hedhyw ty re wrug bismer dhe fasow oll dha wesyon re sawyas dha vewnans y'n jydh hedhyw, ha bewnans dha vebyon ha'th vyrghes, ha bewnans dha wragedh, ha bewnans dha iswragedh,

2 Samuel 19:5 Iomraidhean Croise

2 Samuel 15:30

Mes Davydh eth yn-bann dre leder menydh Oliv, hag ev a oelas hag ev ow mos yn-bann, gans y benn kudhys, hag ev eth dieskis; hag oll an bobel esa ganso a gudhas aga fenn ynwedh, hag i a oelas hag i ow mos yn-bann.

2 Samuel 18:17

I a gemmeras Absalom ha'y dewlel yn pytt bras y'n goeswik, ha drehevel a-ughto kals bras a veyn. Hag oll Ysrael a fias, pubonan dh'y dylda.

2 Samuel 19:13

Ha leverewgh dhe Amasa, “A nyns osta ow askorn ha'm hig? Re wrello Duw dhymm, ha moy ynwedh, mar ny vydhydh kaslewydh ow lu a-ragov prest yn le Yoab.” ’

2 Samuel 19:4

An myghtern a gudhas y fas ha garma ughel y lev, ‘A ow mab Absalom! A Absalom, ow mab, ow mab!’

2 Samuel 19:6

drefenn ty dhe gara an re a'th kas ha kasa an re a'th kar. Ty re'n gwrug kler hedhyw, nag yw naneyl kaslewydhyon na gwesyon travyth dhis; rag my a dyb ty dhe vos pes da mar pe Absalom yn few hedhyw ha ni oll marow.

2 Samuel 3:39

Hedhyw my yw difredh, kynth ov untys myghtern; an wer ma, mebyon Seruya, yw re gales ragov. Re attallo an Arloedh dhe'n den neb a wra drog herwydh y sherewynsi!’

Nehemia 9:27

Ytho ty a's ros yn leuv aga eskerens, hag i a's arwaskas. Mes yn termyn aga ahwer, i a grias dhis, ha ty a's klewas dhiworth nev, ha herwydh dha druedh bras ty a ros dhedha selwadoryon neb a's sawyas dhiworth leuv aga eskerens.

Salmow 3:8

Dhe'n Arloedh yma selwyans; yma dha vennath war dha bobel. Sela.