2 Samuel 19:41 - An Bibel Kernewek 20234 (Kernewek Kemmyn)

⁴¹ Ena oll gwer Ysrael a dheuth dhe'n myghtern ha leverel dhodho, ‘Prag y hwrug agan breder, gwer Yuda, dha ladra dhe-ves ha dri an myghtern ha'y vayni dres an Yordan, hag oll gwer Davydh ganso?’

2 Samuel 19:41 Iomraidhean Croise

2 Samuel 19:11

Myghtern Davydh a dhannvonas dhe Sadok hag Abiathar an oferysi, ha leverel, ‘Leverewgh dhe henavogyon Yuda, “Prag y fydhowgh an diwettha dhe dhri an myghtern dhe-dre dh'y ji? Rag kows oll Ysrael re dheuth dhe'n myghtern, hwath dh'y ji.

2 Samuel 19:12

Ow breder owgh hwi, ow askorn ha'm kig owgh hwi. Ytho prag y fydhowgh an diwettha dhe dhri an myghtern dhe-dre?”

2 Samuel 19:3

An bobel a slynkyas a-ji dhe'n sita avel ladron, dell slynk an bobel rag meth, ow fia dhe'n fo y'n vatel.

Breusysi 12:1

Gwer Efraym a veu gelwys dhe arvow, hag i a dreusis dhe Safon hag a leveris dhe Yefthagh, ‘Prag y treussys rag omladh erbynn an Ammonysi, heb agan gelwel dhe vos genes? Ni a lesk dha ji warnas!’

Breusysi 8:1

Ena gwer Efraym a leveris dhodho, ‘Prag y hwrussowgh hemma dhyn, ma na'gan gelwsowgh pan ethewgh dhe vatalyas orth an Midyanysi?’ Hag i a'n keredhis yn fen.