2 Samuel 19:32 - An Bibel Kernewek 20234 (Kernewek Kemmyn)

³² Lemmyn Barzillay o pur goth, peswar ugens bloedh. Ev re brovisa sosten dhe'n myghtern dres y dermyn yn Mahanaym, rag ev o gour pur vras.

2 Samuel 19:32 Iomraidhean Croise

Jenesis 25:7

An re ma yw blydhynyow bewnans Abraham, a vewas ev: pymthek bloedh hag eth-ugens.

Jenesis 47:28

Yakob a veu yn few seytek blydhen yn pow Ejyp, ha dydhyow Yakob, blydhynyow y vewnans, a veu seyth bloedh ha seyth-ugens blydhen.

Jenesis 5:27

Dydhyow oll Methusela a veu naw kans blydhen naw ha tri-ugens; hag ev a verwis.

Jenesis 50:26

Ytho Yosep a verwis, kans bloedh ha deg y oes. I a'n uras, hag ev a veu gorrys yn geler yn Ejyp.

Jenesis 9:29

Ha dydhyow oll Noy a veu naw kans bloedh ha hanter-kans; hag ev a verwis.

2 Samuel 19:33

An myghtern a leveris dhe Barzillay, ‘Treus genev, ha my a brovi ragos yn Yerusalem genev.’

2 Myghternedh 15:20

Menahem a gemmeras ardoll dhiworth Ysrael, oll an tus alloesek, hanter-kans shekel a arghans dhiworth pub huni, dh'y ri dhe vyghtern Assyria. Ytho myghtern Assyria a dreylyas war y lergh ha ny drigas ena y'n pow.

Job 1:3

Ev a'n jevo seyth mil dhavas, tri mil gowrvargh, pymp kans kopel a oghen, ha pymp kans asen benow ha palster a servysi, mayth o an gour ma an brassa yn mysk oll tus an Est.

Lavarow Koth 16:31

Blew loes yw kurun a enor; kevys yw y'n fordh a ewnder.

Matthew 25:17

Yn kettella y hwrug gwas an dhew dalent prow a dhew moy.

Dewteronomi 34:7

Ha Moyses o hwegh ugens bloedh pan verwis; ny veu y lagas gwannhes, ha ny veu y nerth lehes.

1 Samuel 25:2

Yth esa gour yn Maon, a'n jevo y negys yn Karmel. An gour o pur wolusek; ev a'n jevo tri mil dhavas, ha mil ever. Yth esa ev ow knyvyas y dheves yn Karmel.