2 Samuel 19:19 - An Bibel Kernewek 20234 (Kernewek Kemmyn)

¹⁹ ha leverel dhe'n myghtern, ‘Na wres ow arloedh rekna an blam er ow fynn, na perthi kov a'n kammweyth a wrug dha was y'n jydh mayth eth ow arloedh an myghtern yn-mes a Yerusalem. Na wres an myghtern y gemmeres dh'y golonn.

2 Samuel 19:19 Iomraidhean Croise

2 Samuel 13:20

Yn-medh Absalom hy broder dhedhi, ‘A veu dha vroder genes? Taw lemmyn, ow hwoer; dha vroder yw ev; na sett dha golonn dhe'n mater ma.’ Ytho Tamar a drigas, benyn forsakys, yn chi Absalom hy broder.

2 Samuel 13:33

Ha lemmyn, na wres ow arloedh kemmeres an dra ma dh'y golonn, dhe dybi bos oll mebyon an myghtern marow; rag nyns yw marow saw unnsel Amnon.’

2 Samuel 19:18

Yth esa kowbal ow treusi dhe dhoen mayni an myghtern dres an avon, ha gul y blesour. Pan dremenas Shimei mab Gera dres an Yordan, ev a goedhas dhe'n dor a-dherag an myghtern

Salmow 32:2

Gwynnvys an den na reken an Arloedh kammweyth dhodho, ha nag eus falsuri yn y spyrys.

Salmow 79:8

Na borth kov a gammweythresow agan hendasow; des dha druedh dhyn ni yn skon, rag gyllys pur isel on ni.

Ekklesiastes 10:4

Mara sev sorr an rewler er dha bynn, na as dha dyller, rag kalmynsi a dhiswra peghosow bras.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Niverow 12:11

Hag Aron a leveris dhe Moyses, ‘Ogh, ow arloedh, na wra agan kessydhya drefenn ni dhe wul yn foll ha pegha.

Matthew 27:4

ow leverel, ‘My re beghas a-ban draytis goes gwiryon.’ Yn-medhons i, ‘Pandr'yw henna dhyn ni? Ty dha honan preder anodho.’

2 Korinthianys 5:19

henn yw, yth esa Duw yn Krist, owth unnverhe an bys dhodho y honan, heb rekna aga drogoberow er aga fynn, hag ev re worras yn agan charj an geryow a unnverheans.

1 Samuel 22:15

Yw hedhyw an kynsa gweyth my dhe wovynn orth Duw ragdho? Pell bedhes dhiworthiv! Na wres an myghtern askrifa travyth dh'y was, na dhe oll chi ow thas; rag ny wodhya dha was travyth a hemma, na byghan na bras.’

1 Samuel 25:25

Na wres ow arloedh, my a'th pys, gul vri a'n gour Belial ma, Nabal; rag kepar dell yw y hanow, yndella yw ev; Nabal yw y hanow, hag yma follneth ganso; mes my, dha vaghteth, ny welis vy gwer yowynk ow arloedh, neb a dhannvensys.

1 Samuel 26:21

Ena Sowl a leveris, ‘My re beghas; dehwel, ow mab Davydh, rag ny wrav drog dhis arta, drefenn bos ow bewnans drudh y'th wolok y'n jydh hedhyw. Otta, my re beu foll, ha my re erryas dres eghenn.’