2 Samuel 19:1 - An Bibel Kernewek 20234 (Kernewek Kemmyn)

¹ Y feu derivys orth Yoab, ‘Otta, an myghtern a oel ha kyni rag Absalom.’

2 Samuel 19:1 Iomraidhean Croise

Jenesis 37:35

Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

2 Samuel 18:12

Yn-medh an gour dhe Yoab, ‘Kyn fe mil shekel a arghans poesys y'm leuv, hwath ny vynnsen ystynn ow dorn erbynn mab an myghtern; rag yn agan klewans an myghtern a erghis dhis ha dhe Abishay ha dhe Ittay, ow leverel: “Gwithewgh an gour yowynk Absalom a'm govis vy.”

2 Samuel 18:14

Ena yn-medh Yoab, ‘Ny vynnav gortos yndellma genes.’ Hag ev a gemmeras tri guw yn y dhorn, ha'ga fokya dre golonn Absalom, hag ev hwath yn few y'n derebinthenn.

2 Samuel 18:20

Yoab a leveris dhodho, ‘Ny dhegedh an nowodhow hedhyw; ty a yll doen nowodhow yn dydh arall, mes hedhyw ny dhegedh nowodhow vyth, drefenn bos mab an myghtern marow.’

2 Samuel 18:33

Ha'n myghtern a veu movyes yn feur, hag ev eth yn-bann dhe'n chambour a-ugh an yet hag oela; hag y leveri, hag ev ow mos, ‘A ow mab Absalom! Ow mab, ow mab Absalom! Unnweyth a marwen yn dha le, A Absalom, ow mab, ow mab!’

2 Samuel 18:5

A'n myghtern a erghis dhe Yoab hag Abishay hag Ittay, ha leverel, ‘Bedhewgh jentyl a'm govis vy gans an gour yowynk Absalom.’ Hag oll an bobel a glewas pan ros an myghtern arghadowyow dhe oll an gaptenyon a-dro dhe Absalom.

2 Samuel 19:2

Ha'n trygh y'n jydh na a veu treylys yn kynvann rag oll an bobel, rag an bobel a glewas y'n jydh na bos an myghtern ow krevya rag y vab.

Lavarow Koth 17:25

Mab foll yw anken dh'y das, ha hwerowder dhedhi hi neb a'n omdhuk.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.