2 Samuel 18:9 - An Bibel Kernewek 20234 (Kernewek Kemmyn)

⁹ Lemmyn Absalom a dhyerbynnas gwesyon Davydh. Hag yth esa Absalom ow marghogeth war asen, ha'n asen eth yn-dann skorr tew terebinthenn vras, ha'y benn a veu synsis fast y'n derebinthenn, may feu gesys ow kregi ynter an ebron ha'n dor; ha'n asen re bia yn-danno eth dhe-ves.

2 Samuel 18:9 Iomraidhean Croise

2 Samuel 13:29

Ha gwesyon Absalom a wrug dhe Amnon kepar dell arghsa Absalom dhedha. Ena oll mebyon an myghtern a sevis yn-bann, ha pub gour eth war geyn y asen ha fia.

2 Samuel 14:26

Pan dreghi blew y benn (rag orth penn pub blydhen ev a'n treghi; pan esa y vlew poes warnodho, ev a'n treghi), ev a'n poesa, ha'y boester o dewkans shekel war-lergh poes an myghtern.

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

2 Samuel 18:10

Neb unn gour a'n gwelas, ha derivas orth Yoab, ha leverel, ‘Awotta, my a welas Absalom ow kregi yn terebinthenn.’

2 Samuel 18:14

Ena yn-medh Yoab, ‘Ny vynnav gortos yndellma genes.’ Hag ev a gemmeras tri guw yn y dhorn, ha'ga fokya dre golonn Absalom, hag ev hwath yn few y'n derebinthenn.

2 Samuel 18:8

An vatel ena a veu lesys war enep oll an pow, ha'n goeswik a dhevoryas moy pobel y'n jydh na es dell dhevoryas an kledha.

Job 31:3

A nyns yw anfeusi rag an dhrogoberer, terroes rag an re a wra droktra?

Lavarow Koth 20:20

Neb a volleth y das po y vamm, y lugarn a vydh difeudhys yn tewlder down.

Lavarow Koth 30:17

An lagas hag a dhispres tas hag a skorn bos gostydh dhe vamm a vydh pigys yn-mes gans marghvrini an nans ha dybrys gans an eryon.

Yeremia 48:44

Seul a fi a'n browagh a goedh y'n pytt, ha seul a glamber yn-mes a'n pytt a vydh kechys y'n vaglenn. Rag my a dhre an traow ma war Moab yn blydhen aga hessydhyans, yn-medh an Arloedh.

Matthew 27:5

Ha wosa tewlel an mona y'n tempel, ev a omdennas ha mones dh'y omgregi.

Mark 7:10

Rag Moyses a leveris, “Enor dha das ha'th vamm”; ha, “Neb a villikko y das po y vamm, bedhes gorrys dhe'n mernans.”

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

Dewteronomi 21:23

na vedhes gesys y gorf dre nos war an wydhenn, mes ty a'n ynkleudh an keth jydh na, rag milligys gans Duw yw den kregys; ma na dhefolli dha dir a wra an Arloedh dha Dhuw y ri dhis avel eretons.

Dewteronomi 27:16

‘Mollothek yw ev neb a dhispres y das ha'y vamm.’ Ena oll an bobel a lever, ‘Amen.’

Dewteronomi 27:20

‘Mollothek yw ev neb a wrowedh gans gwreg y das, drefenn ev re dhiskudhas lostenn y das.’ Ena oll an bobel a lever, ‘Amen.’