2 Samuel 18:5 - An Bibel Kernewek 20234 (Kernewek Kemmyn)

⁵ A'n myghtern a erghis dhe Yoab hag Abishay hag Ittay, ha leverel, ‘Bedhewgh jentyl a'm govis vy gans an gour yowynk Absalom.’ Hag oll an bobel a glewas pan ros an myghtern arghadowyow dhe oll an gaptenyon a-dro dhe Absalom.

2 Samuel 18:5 Iomraidhean Croise

2 Samuel 16:11

Ena Davydh a leveris dhe Abishay, ha dhe oll y wesyon, ‘Awotta, ow mab, neb a dheuth yn-mes a'm kolodhyon vy, a hwila ow bewnans; pygemmys moy lemmyn y hyll an Benyaminyas ma y wul! Gesewgh ev dhodho y honan, ha gesewgh ev dhe vollethi; rag an Arloedh re worhemmynnis dhodho.

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

2 Samuel 18:12

Yn-medh an gour dhe Yoab, ‘Kyn fe mil shekel a arghans poesys y'm leuv, hwath ny vynnsen ystynn ow dorn erbynn mab an myghtern; rag yn agan klewans an myghtern a erghis dhis ha dhe Abishay ha dhe Ittay, ow leverel: “Gwithewgh an gour yowynk Absalom a'm govis vy.”

2 Samuel 19:1

Y feu derivys orth Yoab, ‘Otta, an myghtern a oel ha kyni rag Absalom.’

Salmow 103:13

Avel tas a gemmer truedh a'y fleghes, yndellma an Arloedh a gemmer truedh a'n re a berth own anodho.

Luk 23:34

Ha Yesu a leveris, ‘A Das, gav dhedha, rag ny wodhons pandr'a wrons.’ Hag i a rannas y dhillas ow tewlel prenn.