2 Samuel 18:1 - An Bibel Kernewek 20234 (Kernewek Kemmyn)

¹ Ena Davydh a niveras an bobel esa ganso, ha settya warnedha kaptenyon a vilyow, ha kaptenyon a gansow.

2 Samuel 18:1 Iomraidhean Croise

Eksodus 17:9

Ha Moyses a leveris dhe Yoshua, ‘Dewis gwer ragon ha mos yn-mes, omladh erbynn Amalek; a-vorow my a wra sevel war benn an vre gans gwelenn Duw y'm dorn.’

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 18:25

Moyses a dhewisas gwer abel yn-mes a oll Ysrael, ha gul dhedha bos pennow war an bobel, rewloryon a vilyow, a gansow, a hanter-kansow hag a dhegow.

Niverow 31:14

Ha Moyses o serrys orth soedhogyon an lu, kaptenyon milyow ha kaptenyon kansow, re dhothya a servis y'n vresel.

Dewteronomi 20:9

Pan gowlwra an soedhogyon kewsel orth an bobel, i a sett kaslewydhyon orth penn an bobel.

Yoshua 8:10

Yoshua a sevis myttin a-varr ha hwithra an lu, hag ev ha henavogyon Ysrael eth yn-bann a-rag an lu erbynn Ay.

1 Samuel 22:7

Sowl a leveris dh'y wesyon esa ow sevel a-dro dhodho, ‘Goslowewgh lemmyn, hwi Benyaminysi; a vynn mab Yesse ri dhywgh hwi oll parkow ha gwinlannow, a vynn ev agas gul hwi oll kaptenyon a vilyow ha kaptenyon a gansow?

1 Samuel 8:12

hag ev a apoynt ragdho y honan kaslewydhyon a vilyow ha kaslewydhyon a hanter-kansow, hag erell dhe aras y dhor ha mysi y drevas, ha dhe wul y arvow a vresel ha daffar y jarettow.