2 Samuel 17:9 - An Bibel Kernewek 20234 (Kernewek Kemmyn)

⁹ Awotta lemmyn, ev re omgudhas yn onan an pyttow, po yn onan an tylleryow erell. Ha pan goedh nebes anedha y'n kynsa omsettyans, piwpynag a'n klew a lever, “Yth esa ladhva yn mysk an bobel a hol Absalom.”

2 Samuel 17:9 Iomraidhean Croise

2 Samuel 17:10

Ha'n gour ynwedh neb yw kolonnek, gans kolonn kepar ha lew, a deudh glan dhe-ves gans own, rag oll Ysrael a woer bos dha das kasor, ha'n re usi ganso yw kasoryon alloesek.

2 Samuel 17:8

Rag ty a woer bos dha das ha'y wer kasoryon, ha'ga sorr dhe dhewi, kepar hag orses ledrys hy orsigow y'n gwel. Ynwedh dha das yw gour konnyk yn bresel, ha ny vynn tremena an nos gans y wer.

Yeremia 41:9

Lemmyn an dowrargh le may tewlis Yshmael korfow an wer re ladhas drefenn Gedalia o an dowrargh gwrys gans Asa an myghtern rag own Baasha myghtern Ysrael; Yshmael mab Nethania a'n lenwis gans an re ledhys.

Yoshua 7:5

Gwer Ay a ladhas a-dro dhe hwetek warn ugens anedha, ha'ga helghya dhiworth an yet bys y'n Shebarim ha'ga ladha war an leder. Kolonn an bobel a deudhis hag eth ha bos dowr.

Yoshua 8:6

I a yn-mes war agan lergh bys pan y's dynsyn yn-mes a'n sita; rag i dhe leverel, “I a fi ahanan, avel kyns.” Ytho ni a fi a-ragdha.

1 Samuel 22:1

Davydh eth alena ha diank dhe gav Adullam; ha pan glewas y vreder hag oll chi y das a-dro dhodho, i eth yn-nans bys di dhodho.

1 Samuel 23:22

Kewgh, my a'gas pys, ombareusewgh hwath moy; godhvydhewgh ha gwelewgh an tyller mayth yma ev ow taromres, ha piw re'n gwelas ena; rag derivys yw dhymm ev dhe vos pur fel.

1 Samuel 24:3

Ev a dheuth dhe gorlannow an deves ryb an fordh, mayth esa kav; ha Sowl eth a-bervedh dhe gudha y dhewdroes. Lemmyn yth esa Davydh ha'y wer owth esedha a-ji dhe dhowna rannow an kav.