2 Samuel 17:8 - An Bibel Kernewek 20234 (Kernewek Kemmyn)

⁸ Rag ty a woer bos dha das ha'y wer kasoryon, ha'ga sorr dhe dhewi, kepar hag orses ledrys hy orsigow y'n gwel. Ynwedh dha das yw gour konnyk yn bresel, ha ny vynn tremena an nos gans y wer.

2 Samuel 17:8 Iomraidhean Croise

2 Samuel 15:18

Oll y wesyon a dremenas dresto; hag oll an Kerethysi, hag oll an Pelethysi, hag oll an hwegh kans Gittyas re dhothya war y lergh dhiworth Gath, a dremenas a-rag an myghtern.

2 Samuel 17:9

Awotta lemmyn, ev re omgudhas yn onan an pyttow, po yn onan an tylleryow erell. Ha pan goedh nebes anedha y'n kynsa omsettyans, piwpynag a'n klew a lever, “Yth esa ladhva yn mysk an bobel a hol Absalom.”

2 Samuel 23:16

Ena an tri hasor a herdhyas a-ji dhe gamp an Filistysi ha tenna dowr yn-mes a buth Bethlehem usi ryb an yet, ha'y dhri dhe Davydh. Mes ny vynnas y eva; hag ev a'n dinewis yn-mes dhe'n Arloedh.

2 Samuel 23:18

Abishay broder Yoab mab Seruya o chyf an Tri. Ev a dhrehevis y wuw erbynn tri hans ha'ga ladha, ha gwaynya hanow gans an Tri.

2 Myghternedh 2:24

Ev a dreylyas a-dro ha mires orta ha'ga milliga yn hanow an Arloedh. Hag y teuth diw orses mes a'n koes ha skwardya dew flogh ha dew-ugens anedha.

Lavarow Koth 17:12

Gwell yw dyerbynna orses ledrys hy orsigow, kyns foll yn y follneth.

Lavarow Koth 28:15

Avel lew owth usa po ors owth omsettya yw drog rewler war bobel boghosek.

Ezekiel 19:2

ha lavar: Assa veu dha vamm lewes yntra lewyon! Hi a wrowedhas yn mysk lewyon yowynk, ow meythrin hy lewigow.

Daniel 7:5

Hag ottena best arall, an nessa, kepar hag ors. Omdhrehevys veu war unn denewen, hag yn y anow ynter y dhyns yth esa teyr asenn; hag i a leveris dhodho, ‘Sav yn-bann; deber meur a gig.’

Hosea 13:8

My a dheu er aga fynn avel orses a gollas hy helyn, ha skwardya aga holonn mes a'ga brest, hag ena my a's devor avel lewes; goedhvil a wra aga frega.

Breusysi 18:25

An Danysi a worthybis, ‘Gwell vydh dhis na vo klewys dha lev yn agan mysk, poken gwer toemm aga sorr a omsett warnas, ha ty a gyll dha vewnans ha bewnans dha diogeth.’

1 Samuel 16:18

Ena onan a'n wesyon a worthybis, ‘My re welas mab a Yesse an Bethlehemyas neb a woer seni, ha gour kolonnek, kasor, fur yn kows, ha gour a semlans da; hag yma an Arloedh ganso.’

1 Samuel 17:50

Ytho Davydh a warthevyas war an Filistyas dre dowlbrenn ha dre ven, ha gweskel dhe'n leur an Filistyas ha'y ladha; mes nyns esa kledha vyth yn dorn Davydh.

1 Samuel 23:23

Gwelewgh ha godhvydhewgh oll an kudhvaow mayth usi owth omgudha, ha dehwelewgh arta dhymm gans derivadow sur. Ena yth av genowgh; ha mars usi ev y'n vro, my a'n hwila yn-mes yn oll an kordhow a Yuda.’