2 Samuel 17:23 - An Bibel Kernewek 20234 (Kernewek Kemmyn)

²³ Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

2 Samuel 17:23 Iomraidhean Croise

2 Samuel 15:12

Pan esa Absalom owth offrynna sakrifisow, ev a dhannvonas war-lergh Ahithofel an Gilonyas, kusulyer Davydh, dhiworth y sita Gilo. Ha'n bras o krev; rag an bobel a gressyas prest gans Absalom.

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’

2 Samuel 16:23

Lemmyn y'n dydhyow na kusul Ahithofel o par dell wovynnir orth Duw; yndella yth o oll kusul Ahithofel gans Davydh ha gans Absalom.

2 Samuel 17:22

Ena Davydh a sevis, hag oll an bobel esa ganso, hag i a dremenas dres an Yordan. Hag orth tardh an jydh, ny veu gesys denvyth anedha neb na dremensa dres an Yordan.

1 Myghternedh 16:18

Pan welas Zimri bos kemmerys an sita, ev eth yn tour chi an myghtern; ev a loskas chi an myghtern warnodho y honan gans tan hag a verwis,

2 Myghternedh 20:1

Y'n dydhyow na Hezekia eth ha bos klav bys yn eneworres. An profoes Ysay mab Amos a dheuth dhodho, ha leverel dhodho, ‘Yndellma y lever an ARLOEDH: Kempenn dha ji, rag ty a verow; ny vewydh.’

Job 31:3

A nyns yw anfeusi rag an dhrogoberer, terroes rag an re a wra droktra?

Salmow 109:20

Hemm yw gober ow huhudhoryon dhiworth an Arloedh, ha'n re a gews erbynn ow enev.

Salmow 5:10

Gwra dhedha perthi kessydhyans aga fegh, A Dhuw; koedhens i der aga husulyow aga honan; towl i dhe-ves herwydh aga lies treuspass; rag i re sevis er dha bynn.

Salmow 55:23

Mes ty, A Arloedh, a's gorr yn-nans dhe doll an pytt; ny vew tus woesek ha fals moy ages hanter aga dydhyow; byttegyns my a drest ynnos jy.

Lavarow Koth 16:18

Goeth a dheu kyns distruyans, ha spyrys howtyn kyns koedh.

Lavarow Koth 19:3

Follneth den a wra y fordh kamm, ha'y golonn a serr orth an Arloedh.

Ysay 38:1

Y'n dydhyow na Hezekia o klav bys yn eneworres, hag Ysay mab Amos an profoes a dheuth dhodho, ha leverel dhodho, ‘Yndellma y lever an Arloedh: Roy arghadow dhe'th chi, rag ty a verow ha ny vewydh.’

Matthew 27:5

Ha wosa tewlel an mona y'n tempel, ev a omdennas ha mones dh'y omgregi.