2 Samuel 17:16 - An Bibel Kernewek 20234 (Kernewek Kemmyn)

¹⁶ Lemmyn dannvenewgh hware, ha derivewgh dhe Davydh, “Na dremen an nos na yn rysyow an gwylvos, mes tremen yn-rag; poken an myghtern hag oll an bobel usi ganso a vydh kollenkys.” ’

2 Samuel 17:16 Iomraidhean Croise

2 Samuel 15:14

Ena Davydh a leveris dhe oll y wesyon esa ganso yn Yerusalem, ‘Sevewgh, ha fiyn; poken ny dhienkyn dhiworth Absalom. Fistenewgh, po ev a dremen dreson a-dhesempis, ha dri drog warnan, ha gweskel an sita gans min an kledha.’

2 Samuel 15:28

Mir, my a worta yn rysyow an gwylvos erna dheffo ger dhiworthis dhe dherivas dhymm.’

2 Samuel 15:35

A ny vydh an oferysi Sadok hag Abiathar genes ena? Ytho pypynag a glewydh dhiworth chi an myghtern, ty a'n deriv dhe Sadok hag Abiathar an oferysi.

Salmow 35:25

Na as i dhe leverel yn aga holonn, ‘Gwynn agan bys’; na as i dhe leverel, ‘Ni re'n kollonkas.’

Salmow 55:8

My a fisa toeth men dhe skovva rag an korwyns ha'n annawel.’

Salmow 56:2

Ow eskerens re'm plagyas oll an jydh, rag lies a omladh er ow fynn, A Dhuw Ughella.

Salmow 57:3

Ev a dhyllo dhiworth nev, ha'm sawya a dhespit an den a'm stank. Sela. Duw a dhannvon y dregeredh ha'y wirder.

1 Korinthianys 15:54

Ha pan wra an dra bodradow ma omwiska yn anpodredhes, ha'n dra varwel ma omwiska yn anvarwoleth, ena y hwyrvydh an ger yw skrifys, ‘Ankow yw kollenkys yn trygh.’

2 Korinthianys 5:4

Yn tevri, ha ni hwath y'n tylda ma, ni a gyn ha beghys on, drefenn na vynnyn ni diwiska mes gwiska hwath moy, may fo an pyth yw marwel kollenkys gans bewnans.

1 Samuel 20:38

Ha Yonathan a elwis dhe'n maw, ‘Fisten, bydh uskis, na worta.’ Ytho maw Yonathan a guntellas an sethow ha dos dh'y vester.