2 Samuel 17:14 - An Bibel Kernewek 20234 (Kernewek Kemmyn)

¹⁴ Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

2 Samuel 17:14 Iomraidhean Croise

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’

2 Samuel 15:34

Mes mar tehwelydh dhe'n sita, ha leverel dhe Absalom, “My a vydh dha was, A vyghtern; kepar dell en vy gwas dha das yn termyn passys, lemmyn my a vydh dha was”, ena ty a yll lesta ragov kusul Ahithofel.

2 Samuel 16:23

Lemmyn y'n dydhyow na kusul Ahithofel o par dell wovynnir orth Duw; yndella yth o oll kusul Ahithofel gans Davydh ha gans Absalom.

2 Kroniklys 10:15

Yndella ny woslowas an myghtern orth an bobel, drefenn bos hemma destnys gans Duw, dhe gewera an ger kewsys gans an Arloedh der Ahiya an Shilonyas dhe Yeroboam mab Nebat.

2 Kroniklys 10:8

Mes ev a skonyas an gusul a ros an henavogyon dhodho hag ev a omgusulyas gans an yonkoryon re devsa ganso, esens ow sevel a-ragdho lemmyn.

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

2 Kroniklys 25:20

Mes ny woslowas Amasia; rag bos hemma dhiworth Duw, dh'aga ri yn leuv Yoash, rag i dhe hwilas duwow Edom.

Nehemia 4:15

Pan glewas agan eskerens aga thowl dhe vos godhvedhys dhyn, ha Duw dh'y lesta, ni oll a dhehwelis dhe'n fos, peub dh'y ober y honan.

Job 12:17

Ev a led konseloryon dhe-ves dieskis, hag ev a wra dhe vuskogyon bos breusysi.

Salmow 9:15

An kenedhlow re sedhis y'n pytt a wrussons; y'n roes a gudhsons, aga throes aga honan re beu kechys.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Lavarow Koth 19:21

Lies yw an towlow a-ji dhe golonn gour, mes porpos an Arloedh, henna a sev.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Amos 9:3

Kynth omgudhons war wartha menydh Karmel, my a's hwila alena ha'ga hemmeres; ha kynth yns i kudhys a-dherag ow dewlagas yn goeles an mor, ena my a worhemmynn dhe'n sarf, ha hi a's brath.

Luk 16:8

Ha'n mester a gommendyas an rennyas dislel, rag ev dhe wul yn fur. Rag mebyon an bys ma yw moy doeth a-dro dh'aga hevoesogyon es dell yw mebyon an golow.

1 Korinthianys 3:19

Rag skentoleth an bys ma yw follneth gans Duw. Rag skrifys yw, ‘Ev a vagel an dus skentel yn aga felder’,

Dewteronomi 2:30

Mes ny vynnas Sihon myghtern Heshbon agan gasa dhe dreusi, drefenn an Arloedh dha Dhuw dhe avleythi y spyrys ha kaleshe y golonn, rag ma'n rolla y'th leuv, avel an jydh ma.

Yoshua 11:20

Y feu an Arloedh y honan grevhas aga holonnow, may tothyens erbynn Ysrael yn kas, rag aga sakra dhe dhistruyans, ha ma na's teffa mersi, mes rag ma's distrua, dell worhemmynnis an Arloedh dhe Moyses.