2 Samuel 17:11 - An Bibel Kernewek 20234 (Kernewek Kemmyn)

¹¹ Rakhenna, my a gusul, bedhes oll Ysrael kuntellys dhis, dhiworth Dan bys yn Beer-sheba, kepar ha'n tewes usi ryb an mor yn niver, ha ty dha honan ow mos y'n vatel.

2 Samuel 17:11 Iomraidhean Croise

Jenesis 13:16

Ha my a wra dha has kepar ha doust an dor: mar kyll den nivera doust an dor, dha has ynwedh a yll bos niverys.

Jenesis 21:14

Hag Abraham a sevis yn-bann ternos vyttin a-varr ha kemmeres bara ha kroghen dowr ha'ga ri dhe Hagar orth aga gorra war hy diwskoedh, ha'n flogh, ha'y dannvon dhe-ves, ha hi eth yn-kerdh ha gwandra yn difeythtir Beer-sheba.

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

2 Samuel 12:28

Lemmyn kuntell remenant an bobel war-barth, ha kamp erbynn an sita, ha kemmer hi; poken my a gemmer an sita, ha hi a vydh henwys war-lergh ow hanow vy.’

2 Samuel 24:2

Ytho an myghtern a leveris dhe Yoab kaslewydh an lu esa ganso ‘Ke der oll loethow Ysrael, dhiworth Dan bys yn Beer-sheba ha niver an bobel, may hwodhviv niver an bobel.’

2 Samuel 3:10

dhe dreusworra an vyghterneth dhiworth chi Sowl, ha fastya tron Davydh war Ysrael ha war Yuda, dhiworth Dan bys yn Beer-sheba.’

1 Myghternedh 20:10

Ben-hadad a dhannvonas dhodho ha leverel, ‘Re wrello an duwow yndellma dhymm, ha moy keffrys, mars eus doust lowr gesys yn Samaria dhe ri dornas dhe bubonan a'n bobel a'm siw.’

1 Myghternedh 4:20

Yuda hag Ysrael o diniver avel tewes an vorlann; i a dhybri hag eva ha lowen ens.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Yoshua 11:4

I eth yn-mes, i hag oll aga luyow gansa, ost bras, avel an tewes war vin an mor orth niver, gans lies margh ha meur a jarettow.

Breusysi 20:1

Ena oll mebyon Ysrael a dheuth yn-mes, dhiworth Dan bys yn Beer-sheba, yn aga mysk pow Gilead, ha'n bobel a omguntellas yn unn bagas a-rag an Arloedh yn Mispa.

1 Samuel 13:5

An Filistysi a omguntellas war-barth dhe vatalyas orth Ysrael, tri mil jarett, ha hwegh mil varghek, ha pobel kepar ha'n tewes usi war an morrep yn niver; hag i a dheuth yn-bann ha kampya yn Mikmash, a'n est dhe Beth-aven.

1 Samuel 3:20

Hag oll Ysrael dhiworth Dan bys yn Beer-sheba a wodhya bos Samuel apoyntys profoes lel a'n Arloedh.