2 Samuel 17:10 - An Bibel Kernewek 20234 (Kernewek Kemmyn)

¹⁰ Ha'n gour ynwedh neb yw kolonnek, gans kolonn kepar ha lew, a deudh glan dhe-ves gans own, rag oll Ysrael a woer bos dha das kasor, ha'n re usi ganso yw kasoryon alloesek.

2 Samuel 17:10 Iomraidhean Croise

Jenesis 49:9

Kolen lew yw Yuda. Dhiworth an preydh, ow mab, ty res eth yn-bann. Ev a blattyas, ev a wrowedhas kepar ha lew, ha kepar ha lewes; piw a wra dhodho sevel?

2 Samuel 1:23

Sowl ha Yonathan, yn aga bewnans meurgerys ha jentyl, hag yn mernans nyns ens rynnys; skaffa es eryon ens, kreffa es lewyon ens.

2 Samuel 17:9

Awotta lemmyn, ev re omgudhas yn onan an pyttow, po yn onan an tylleryow erell. Ha pan goedh nebes anedha y'n kynsa omsettyans, piwpynag a'n klew a lever, “Yth esa ladhva yn mysk an bobel a hol Absalom.”

2 Samuel 23:20

Benaya mab Yehoyada, kasor galloesek dhiworth Kasbeel, oberer a lies gweythres; ev a weskis dew vab Ariel a Moab. Ev eth yn-nans ynwedh ha ladha lew a-ji dhe bytt yn dydh erghek.

Salmow 89:19

Yn termyn passys y kewssys orth dha syns yn gwelesigeth, ha leverel: ‘My re worras gweres war onan galloesek; my re dhrehevis onan dewisys yn-mes a'n bobel.

Eksodus 15:15

Lemmyn pennternedh Edom yw dyegrys; ledyoryon Moab yw dalghennys yn kren; oll annedhysi Kanan re deudhis dhe-ves;

Lavarow Koth 28:1

An debeles a fi dhe'n fo pan nag eus helghyas, mes an re wiryon yw maga hardh avel lew.

An Gan a Ganow 3:7

Otta, yth yw gravath-kador Solomon! Yma tri-ugens kasor a-dro dhodho, a gasoryon Ysrael,

Ysay 13:7

Rakhenna pub leuv a vydh gwann, ha'n golonn a bub den a deudh.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ezekiel 21:15

Rag may teuttho kolonnow ha'n re a goedh bos lies. Orth oll aga yetys my re worras kledha rag ladhva. Ogh, gwrys yw rag lughesi, rutys splann rag an ladhva.

Dewteronomi 1:28

Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

Ebrowyon 11:34

difeudhi nerth tanyow, skeusi rag min an kledha, gwaynya krevder yn-mes a wannder, dos ha bos galloesek yn kas, gorra luyow estren dhe'n fo.

1 Samuel 16:18

Ena onan a'n wesyon a worthybis, ‘My re welas mab a Yesse an Bethlehemyas neb a woer seni, ha gour kolonnek, kasor, fur yn kows, ha gour a semlans da; hag yma an Arloedh ganso.’

1 Samuel 18:17

Ena Sowl a leveris dhe Davydh, ‘Otta ow hottha myrgh Merab, my a vynn hy ri dhis avel gwreg; mes bydh kolonnek ragov, ha batal batelyow an Arloedh.’ Rag Sowl a dybis, ‘Ny vynnav sevel ow leuv er y bynn, mes bedhes leuv an Filistysi warnodho.’