2 Samuel 16:9 - An Bibel Kernewek 20234 (Kernewek Kemmyn)

⁹ Ena Abishay mab Seruya a leveris dhe'n myghtern, ‘Prag y volleth an ki marow ma ow arloedh an myghtern? Gas vy dhe vones yn-rag, my a'th pys, ha kemmeres dhe-ves y benn.’

2 Samuel 16:9 Iomraidhean Croise

2 Samuel 19:21

Mes Abishay mab Seruya a worthybis, ‘A ny vydh Shimei gorrys dhe'n mernans rakhemma, drefenn ev dhe vollethi untys an Arloedh?’

2 Samuel 19:22

Davydh a leveris, ‘Pyth eus yntra my ha hwi, hwi mebyon Seruya, may teuvewgh ha bos hedhyw eskerens dhymm? A vydh denvyth gorrys dhe'n mernans hedhyw yn Ysrael? A ny wonn vy y'n jydh hedhyw ow bos myghtern war Ysrael?’

2 Samuel 3:30

Ytho Yoab ha'y vroder Abishay a ladhas Abner, drefenn ev dhe ladha aga broder Asahel y'n gas yn Gibeon.

2 Samuel 3:8

Abner a dheuth ha bos pur serrys drefenn geryow Ish-bosheth; yn-medh ev, ‘Ov vy penn-ki? My neb a dhiskwa tregeredh dhe Yuda y'n jydh hedhyw, dhe ji Sowl dha das, dh'y vreder, ha dh'y gowetha, ha ny'th telivris yn dorn Davydh; ha hwath ty re settyas an kabel ma warnav a-dro dhe'n venyn ma y'n jydh hedhyw.

2 Samuel 9:8

Ev a omblegyas ha gorthybi, ‘Pandr'yw dha was, may firsys war gi marow kepar ha my?’

Eksodus 22:28

Ny wredh milliga Duw, na mollethi rewler dha bobel.

Luk 9:54

Ha pan y'n gwelas y dhyskyblon Jamys ha Yowann, yn-medhons, ‘Arloedh, a vynnydh ni dhe erghi may teffo tan yn-nans dhiworth an nevow ha'ga distrui?’

Oberow 23:5

Hag yn-medh Powl, Ny wodhvev, breder, y vos arghoferyas; rag skrifys yw ‘Ny wrewgh kewsel drog a-dro dhe rewler a'gas pobel.’

1 Peder 2:17

Gwrewgh enora pub den oll, kara an brederedh, Duw, enora an emperour.

1 Samuel 24:14

War-lergh piw re dheuva myghtern Ysrael yn-mes? War-lergh piw esos ow helghya? War-lergh ki marow? War-lergh hwannenn?