2 Samuel 16:4 - An Bibel Kernewek 20234 (Kernewek Kemmyn)

⁴ Ena yn-medh an myghtern dhe Siba, ‘Otta, oll esa dhe Mefibosheth a vydh dhis lemmyn.’ Ha Siba a leveris, ‘My a ombleg; re gyffiv gras y'th wolok, ow arloedh an myghtern.’

2 Samuel 16:4 Iomraidhean Croise

2 Samuel 14:22

Yoab a goedhas war y fas dhe'n dor hag omblegya, ha benniga an myghtern; hag yn-medh Yoab, ‘Hedhyw dha was a woer my dhe gavoes gras y'th wolok, ow arloedh, A vyghtern, drefenn an myghtern dhe wrontya govynnadow y was.’

2 Samuel 14:4

Pan dheuth an Tekoyades dhe'n myghtern, hi a goedhas war hy fas dhe'n dor hag omblegya, ha leverel, ‘Gweres dhymm, A vyghtern!’

2 Samuel 14:8

Ena yn-medh an myghtern dhe'n venyn, ‘Ke dhe'th chi, ha my a re gorhemmynnow a-dro dhis.’

2 Samuel 16:3

Yn-medh an myghtern, ‘Ple'ma mab dha vester?’ Siba a leveris dhe'n myghtern, ‘Yma trigys yn Yerusalem; rag yn-medh ev, “Hedhyw chi Ysrael a dhaskorr dhymm gwlaskor ow thas.” ’

2 Samuel 16:5

Pan dheuth Davydh dhe Bahurim, otta, gour a deylu chi Sowl a dheuth yn-mes, ha'y hanow Shimei mab Gera, hag ev a vollethis hag ev ow mones yn-mes.

2 Samuel 19:27

Ev re sklandras dha was dhe'm arloedh an myghtern. Mes ow arloedh an myghtern yw avel el Duw; ytho gwra an pyth yw da y'th wolok.

2 Samuel 9:6

Mefibosheth mab Yonathan mab Sowl a dheuth dhe Davydh, hag ev a goedhas war y fas, hag omblegya. Ha Davydh a leveris, ‘Mefibosheth!’ Ev a worthybis, ‘Ottavy, dha was!’

2 Samuel 9:9

Ena an myghtern a elwis Siba, gwas Sowl, ha leverel dhodho, ‘Pup-tra esa dhe Sowl ha dhe oll y ji my re ros dhe vab dha vester.’

Eksodus 23:8

Ha ny wredh kemmeres falswober, rag falswober a dhall an re a wel, hag a gammdreyl geryow an re wiryon.

Lavarow Koth 18:13

Neb a worthyp kyns ev dhe glewes – hemm yw follneth ha sham.

Lavarow Koth 18:17

Neb a brov y gen yn kynsa a hevel gwir, bys pan dheffo an plentyas ha'y worthapposya.

Lavarow Koth 19:2

Nyns yw da rag den bos heb godhvos, ha neb a fysk gans y dhewdroes a gyll y fordh.

Dewteronomi 19:15

Ny wra unn dustunier sevel erbynn gour a-dro dhe neb kammweyth po neb pegh, yn pegh pynag a wrello. Dre dhustuni dew dhustunier po dre dhustuni tri dustunier an dra a sev.