2 Samuel 16:22 - An Bibel Kernewek 20234 (Kernewek Kemmyn)

²² Ytho i a dhrehevis tylda rag Absalom war do an chi; hag Absalom eth a-ji dhe iswragedh y das yn golok Ysrael oll.

2 Samuel 16:22 Iomraidhean Croise

Jenesis 35:22

Pan esa Yakob trigys y'n pow na, Rewben eth ha growedha gans Bilha, iswreg y das, hag Ysrael a glewas anodho. Lemmyn yth esa dewdhek mab dhe Yakob.

2 Samuel 11:2

Yn neb unn gorthugher Davydh a sevis a'y weli ha kerdhes a-dro war do chi an myghtern, ha dhiworth an to ev a welas benyn owth omwolghi; ha semlans an venyn o pur deg.

2 Samuel 15:16

Ytho an myghtern eth yn-rag, hag oll y vayni war y lergh. Ha'n myghtern a asas deg iswragedh dhe witha an chi.

2 Samuel 20:3

Davydh a dheuth dh'y ji yn Yerusalem; ha'n myghtern a gemmeras an deg iswreg re assa dhe witha an chi, ha'ga gorra yn chi yn-dann with. Ev a brovias ragdha, mes ny wrug ev mos a-bervedh dhedha. Ytho i a veu gwithys yn-dann alhwedh bys dydh aga mernans, kepar hag yn gwedhowses.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Ezekiel 24:7

Rag yma an goes a skoellyas a-berth ynni; hi a'n dinewis war garrek lomm; ny'n diveris war an dor dh'y gudha gans doust.

Niverow 25:6

Hag otta, onan a vebyon Ysrael a dheuth hag a dhros Midyanyades dh'y vreder yn golok Moyses hag yn golok an kuntelles oll a vebyon Ysrael, hag i owth oela orth daras tylda an kuntelles.

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.