2 Samuel 16:21 - An Bibel Kernewek 20234 (Kernewek Kemmyn)

²¹ Yn-medh Ahithofel dhe Absalom, ‘Ke a-ji dhe iswragedh dha das, re asas dhe witha an chi; hag oll Ysrael a glew ty dhe wul dha honan kasadow gans dha das, ena diwla peub eus genes a vydh krevhes.’

2 Samuel 16:21 Iomraidhean Croise

Jenesis 34:30

Hag yn-medh Yakob dhe Simeon ha Levi, ‘Hwi re dhros anfeusi warnav, ow kul dhymm flerya yn mysk trigoryon an pow, yn mysk an Kananysi ha'n Perizzysi. Boghes yw niver ow thus vy, hag i a vydh kuntellys war-barth er ow fynn ha'm diswul; ha my ha'm chi a vydh distruys.’

Jenesis 35:22

Pan esa Yakob trigys y'n pow na, Rewben eth ha growedha gans Bilha, iswreg y das, hag Ysrael a glewas anodho. Lemmyn yth esa dewdhek mab dhe Yakob.

Jenesis 38:16

Hag ev a dreylyas dhedhi ryb an fordh ha leverel, ‘Deus, gas vy dhe dhos a-bervedh dhis’, rag ny wodhya hy bos y wohydh. Yn-medh hi, ‘Pandr'a vynn'ta ri dhymm may hylli dos a-bervedh genev?’

Jenesis 6:4

Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

2 Samuel 10:6

Pan welas an Ammonysi i dhe vos kasadow dherag Davydh, an Ammonysi a dhannvonas hag arveth Aramysi Beth-rehob hag Aramysi Soba, ugens mil droesek, ha dhiworth myghtern Maaka mil wour, ha dhiworth governour Tob, dewdhek mil wour.

2 Samuel 12:11

Yndellma y lever an Arloedh: Awotta, my a dhrehav drog warnas yn-mes a'th chi; ha my a gemmer dha wragedh dherag dha dhewlagas, ha'ga ri dhe'th kentrevek, hag ev a wrowedh gans dha wragedh yn golok an howl ma.

2 Samuel 13:5

Yn-medh Yonadab dhodho, ‘Growedh war dha weli, hag omwra klav; ha pan dho dha das dhe'th weles, lavar dhodho, “My a'th pys, gas ow hwoer Tamar dhe dhos ha ri dhymm boes, ha pareusi an boes y'm golok, may hallav y weles ha'y dhybri dhiworth hy leuv” ’

2 Samuel 15:16

Ytho an myghtern eth yn-rag, hag oll y vayni war y lergh. Ha'n myghtern a asas deg iswragedh dhe witha an chi.

2 Samuel 16:20

Ena yn-medh Absalom dhe Ahithofel, ‘Ro dhyn dha gusul; pandr'a wren?’

2 Samuel 17:7

Ena Hushay a leveris dhe Absalom, ‘An gusul re ros Ahithofel, nyns yw da an weyth ma.

2 Samuel 2:7

Lemmyn bedhes krev agas diwleuv, ha bedhewgh kolonnek; rag Sowl agas arloedh yw marow, ha chi Yuda re'm untyas myghtern warnedha.’

2 Samuel 20:3

Davydh a dheuth dh'y ji yn Yerusalem; ha'n myghtern a gemmeras an deg iswreg re assa dhe witha an chi, ha'ga gorra yn chi yn-dann with. Ev a brovias ragdha, mes ny wrug ev mos a-bervedh dhedha. Ytho i a veu gwithys yn-dann alhwedh bys dydh aga mernans, kepar hag yn gwedhowses.

1 Myghternedh 11:25

Ev o eskar Ysrael dydhyow oll Solomon, ow kul dregynn kepar dell wrug Hadad; ev a dhispresyas Ysrael hag a reynyas war Edom.

1 Myghternedh 2:17

Hag ev a leveris, ‘Kows, my a'th pys, gans Solomon an myghtern, rag ny wra ev dha nagha, may rollo dhymm Abishag an Shunammyades avel gwreg.’

1 Myghternedh 2:22

Myghtern Solomon a worthybis hag a leveris dh'y vamm, ‘Prag y hwovynnydh Abishag an Shunammyades dhe vos res rag Adoniya? Govynn an wlaskor ragdho ev ynwedh. Rag ev yw ow hottha broder; govynn ragdho ev, ha rag Abiathar an oferyas, ha rag Yoab mab Seruya.’

Levitikus 18:8

Ny wredh diskudha noethedh gwreg dha das. Noethedh dha das yw.

Levitikus 20:11

Ha'n gour a wrowedh gans gwreg y das re dhiskudhas noethedh y das, aga dew a vydh gorrys dhe'n mernans yn sur; aga goes a vydh warnedha i.

Zekaria 8:13

Ha kepar dell vewgh molleth yn mysk an kenedhlow, A ji Yuda ha ji Ysrael, yn kettella my a wra agas sawya, ha hwi a vydh bennath. Na berthewgh dout, mes krevhewgh agas diwleuv.

1 Korinthianys 5:1

Yn tevri, derivys yw bos fornikasyon yn agas mysk, fornikasyon nag yw kevys y bar yn mysk jentilys; henn yw, yma gour ow kesvewa gans gwreg y das.

1 Samuel 13:4

Pan glewas oll Ysrael Sowl dhe fetha savla-gwithysi an Filistysi, hag ynwedh Ysrael dhe dhos ha bos kasadow dhe'n Filistysi, an bobel a veu gelwys yn-mes dhe junya gans Sowl yn Gilgal.

1 Samuel 27:12

Hag Akish a drestyas yn Davydh, ha tybi, ‘Ev re wrug y honan kasadow glan yn mysk y bobel Ysrael; rakhenna ev a vydh ow gwas bys vykken.’