2 Samuel 16:2 - An Bibel Kernewek 20234 (Kernewek Kemmyn)

² Yn-medh an myghtern dhe Siba, ‘Prag y hwruss'ta dri an re ma?’ Siba a worthybis, ‘An asenes yw rag mayni an myghtern dhe varghogeth warnedha; ha'n bara ha frutys hav yw rag an wer yowynk dhe dhybri; ha'n gwin yw rag an re a glamder y'n gwylvos dhe eva.’

2 Samuel 16:2 Iomraidhean Croise

Jenesis 21:29

Hag Abimelek a leveris dhe Abraham. ‘Pyth yw an seyth oenes ma re wruss'ta aga gorra aga honan?’

Jenesis 33:8

Hag yn-medh ev, ‘Pyth yw dhiso jy oll an kamp ma re vetis?’ Hag yn-medh ev, ‘Rag kavoes gras yn golok ow arloedh.’

2 Samuel 15:1

Wosa hemma Absalom a gavas ragdho y honan charett ha mergh, ha hanter-kans korfwithyas dhe boenya a-ragdho.

2 Samuel 15:23

Hag oll an vro a oelas gans lev ughel, hag oll an bobel a dremenas yn-rag; an myghtern ynwedh a dremenas dres nans Kidron, hag oll an bobel a dremenas yn-rag, troha fordh an gwylvos.

2 Samuel 17:29

mel hag amanynn, ha deves, ha keus bughes, rag Davydh ha'n bobel ganso dhe dhybri. Rag i a leveris, ‘Yma dhe'n bobel nown ha skwithter ha syghes y'n gwylvos.’

2 Samuel 19:26

Ev a worthybis, ‘Ow arloedh, A vyghtern, ow gwas a'm traytas; rag dha was a leveris dhodho, “My a dhiber an asen ragov, may hallav marghogeth warnedhi ha mones gans an myghtern.” Drefenn dha was yw klof.

Ezekiel 37:18

Pan wra mebyon dha bobel leverel dhis, ‘A ny dhiskwedhydh dhyn pyth yw styr hemma?’

Breusysi 10:4

Ev a'n jevo deg mab warn ugens hag a varghoga war dheg asen warn ugens, hag yth esa dhedha deg tre warn ugens yn pow Gilead, ha henwys yth yns Havvoth-yair bys y'n jydh ma.

Breusysi 5:10

‘Derivewgh anodho, hwi hag a varghogeth war asenes gellvelyn, hwi hag a esedh war ballennow-diber fethus ha hwi hag a gerdh ryb an fordh.

1 Samuel 14:28

Ena onan a'n bobel a leveris, ‘Dha das a jarjyas an bobel yn stroeth gans ti, ow leverel, “Mollothek re bo an gour neb a dheber boes y'n jydh ma.” Hag yndella an bobel yw skwith.’

1 Samuel 25:27

Ha lemmyn bedhes an ro ma re dhros dha vaghteth dhe'm arloedh, res dhe'n wer yowynk neb a hol ow arloedh.