2 Samuel 16:16 - An Bibel Kernewek 20234 (Kernewek Kemmyn)

¹⁶ Ena pan dheuth Hushay an Arkyas, koweth Davydh, dhe Absalom, Hushay a leveris dhodho. ‘Re vewo an myghtern, re vewo an myghtern!’

2 Samuel 16:16 Iomraidhean Croise

2 Samuel 15:32

Pan dheuth Davydh dhe wartha an menydh, tyller mayth esa Duw gordhys, awotta, Hushay an Arkyas a dheuth dh'y vetya gans y gota skwardys ha dor war y benn.

2 Samuel 15:34

Mes mar tehwelydh dhe'n sita, ha leverel dhe Absalom, “My a vydh dha was, A vyghtern; kepar dell en vy gwas dha das yn termyn passys, lemmyn my a vydh dha was”, ena ty a yll lesta ragov kusul Ahithofel.

2 Samuel 15:37

Ytho Hushay koweth Davydh a dheuth a-ji dhe'n sita, y'n keth termyn mayth esa Absalom owth entra Yerusalem.

1 Myghternedh 1:25

Rag ev yw gyllys yn-nans hedhyw, ha re ladhas oghen ha bualyon peskys ha deves pals, ha re elwis oll mebyon an myghtern, ha kaptenyon an lu, hag Abiathar an oferyas; hag, otta, i a dheber hag eva a-ragdho, ha leverel, “Re vewo myghtern Adoniya.”

1 Myghternedh 1:34

Ha gesewgh Sadok an oferyas ha Nathan an profoes dh'y untya ena avel myghtern dres Ysrael. Ena hwythewgh an hirgorn, ha leverel, “Re vewo myghtern Solomon!”

1 Myghternedh 4:5

Azaria mab Nathan esa a-ugh an governours; Zabud mab Nathan o oferyas ha koweth an myghtern;

2 Myghternedh 11:12

Ena Yehoyada a dhros mab an myghtern yn-rag, ha gorra an gurun warnodho, ha ri dhodho an dustuni. I a'n gwrug myghtern, ha'y untya; hag i a dakyas diwla, ha leverel, ‘Re vewo an myghtern!’

Daniel 2:4

Ena an Kaldeanys a leveris dhe'n myghtern yn Aramaek: ‘A vyghtern, re vewi bys vykken! Gwra derivas an hunros dhe'th servysi, ha ni a dhiskwedh hy styr.’

Daniel 5:10

An vyghternes, dre reson geryow an myghtern ha'y arlydhi, a dheuth a-ji dhe hel an kevewi. Ha'n vyghternes a leveris, ‘A vyghtern, bys vykken re vewi! Na wrello dha brederow dha drobla, ha na wrello dha liw treylya:

Daniel 6:21

Ena y leveris Daniel dhe'n myghtern, ‘A vyghtern, re vewi bys vykken!

Daniel 6:6

Ena an lewydhyon ha'n wahalyethow ma eth yn routh dhe'n myghtern, hag a leveris dhodho, ‘A vyghtern Darius, re vewi bys vykken!

Matthew 21:9

Ha'n routhow esa ow mos a-ragdho, ha'n re a'n siwya a armas ow leverel, ‘Hosanna dhe Vab Davydh, Benniges yw neb a dheu yn hanow an Arloedh, Hosanna y'n ughelder!’

1 Samuel 10:24

Yn-medh Samuel dhe oll an bobel, ‘A'n gwelowgh, neb a wrug an Arloedh y dhewis? Rag nyns eus y bar yn mysk oll an bobel.’ Ha'n bobel oll a grias, ‘Re vewo an myghtern!’