2 Samuel 16:10 - An Bibel Kernewek 20234 (Kernewek Kemmyn)

¹⁰ Mes yn-medh an myghtern, ‘Pyth eus yntra my ha hwi, hwi vebyon Seruya? Mar kwra ev mollethi rag an Arloedh dhe leverel dhodho, “Molleth Davydh”, piw a lever ena, “Prag y hwruss'ta yndella?” ’

2 Samuel 16:10 Iomraidhean Croise

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

2 Samuel 19:22

Davydh a leveris, ‘Pyth eus yntra my ha hwi, hwi mebyon Seruya, may teuvewgh ha bos hedhyw eskerens dhymm? A vydh denvyth gorrys dhe'n mernans hedhyw yn Ysrael? A ny wonn vy y'n jydh hedhyw ow bos myghtern war Ysrael?’

2 Samuel 19:23

Ytho yn-medh an myghtern dhe Shimei, ‘Ny verwydh.’ Ha'n myghtern a dos dhodho.

2 Samuel 3:39

Hedhyw my yw difredh, kynth ov untys myghtern; an wer ma, mebyon Seruya, yw re gales ragov. Re attallo an Arloedh dhe'n den neb a wra drog herwydh y sherewynsi!’

1 Myghternedh 17:18

Hi a leveris dhe Elias, ‘Pyth eus yntredhon ni, A wour Duw? Ty re dheuth dhymm rag dri ow hammweyth dhe gov, ha ladha ow mab!’

1 Myghternedh 2:5

‘Kekeffrys ty a woer an pyth a wrug Yoab mab Seruya dhymm, ha'n pyth a wrug ev dhe'n dhew gapten a luyow Ysrael, dhe Abner mab Ner, ha dhe Amasa mab Yether; ev a's ladhas, ha skoellya an goes a vresel yn termyn kres, ow korra an goes a vresel war an grogys esa a-dro dh'y dhiwglun, ha war y eskisyow esa war y dhewdroes.

2 Myghternedh 18:25

Yn tevri, a dheuth vy erbynn an tyller ma heb bodh an Arloedh rag y dhistrui? An Arloedh a leveris dhymm, Ke erbynn an pow ma ha'y dhistrui.’

Job 9:12

Awotta, ev a gib dhe-ves; piw a yll y lettya? Piw a yll leverel dhodho, “Pandr'a wredh?”

Salmow 39:9

Avlavar en vy, ny igeris vy ow ganow, rag ty yw neb a wrug hemma.

Ekklesiastes 8:4

Le mayth usi ger myghtern, y'n keth le yma galloes, ha piw a lever dhodho, ‘Pandr'a wredh?’

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Matthew 16:23

Mes ev a dreylyas ha leverel dhe Peder, ‘Ke a-dryv dhymm, Satnas; ty a wra ow sklandra, rag ny brederydh an taklow a Dhuw, mes an taklow a dus.’

Matthew 8:29

Hag i a armas ow leverel, ‘Pandr'a vynnydh tejy genen ni, A Vab Duw? Osta devedhys omma rag agan tormentya kyns an termyn?’

Yowann 18:11

Ena yn-medh Yesu dhe Peder, ‘Gorr an kledha y'n woen. An hanaf a ros dhymm an Tas, a ny wrav vy y eva?’

Romanyon 9:20

Mes piw os jy, den, dhe worthybi dhe Dhuw? A lever an dra formys dh'y formyer, ‘Prag y'm gwrussys yndella?’

1 Peder 2:23

Pan veu drokhenwys, ny dhrokhenwis yn attal. Pan wodhevis, ny vraggyas, mes yth omgommyttyas dhe neb a vreus yn hwiryon.

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”