2 Samuel 15:25 - An Bibel Kernewek 20234 (Kernewek Kemmyn)

²⁵ Ena yn-medh an myghtern dhe Sadok, ‘Kemmer argh Duw a-ji dhe'n sita arta. Mar kavav gras yn golok an Arloedh, ev a'm dre arta, ha gasa my dh'y gweles, hi hy honan ha'y thrigva.

2 Samuel 15:25 Iomraidhean Croise

2 Samuel 6:17

I a dhros argh an Arloedh a-ji, ha'y settya yn hy le, yn kres an tylda re dhrehavsa Davydh rygdhi; ha Davydh a offrynnas offrynnow leskys hag offrynnow kres dherag an Arloedh.

2 Samuel 7:2

an myghtern a leveris dhe Nathan an profoes, ‘Mir lemmyn, yth esov trigys yn chi a geder, mes argh Duw a drig a-ji dhe groglennow.’

Salmow 122:1

Lowen en vy pan lavarsons dhymm, ‘Gwren ni mos bys yn chi an Arloedh.’

Salmow 122:9

A-barth chi an Arloedh agan Duw, my a hwila dader dhiso jy.

Salmow 26:8

Arloedh, my re garas trigva dha ji, an tyller mayth annedh dha wolewder.

Salmow 84:10

Rag unn jydh y'th klosyow yw gwell ages mil yn ken le. Gwell via genev bos porther yn chi ow Duw ages annedhi tyldow sherewneth.

Eksodus 15:13

‘Ty re hembronkas y'th tregeredh an bobel re dhasprensys, ty re's kevarwoedhas dre dha nerth dhe'th trigva sans.

Eksodus 33:12

Moyses a leveris dhe'n Arloedh, ‘Mir, ty a lever dhymm, “Doro an bobel ma yn-bann”; mes ny'm gessys dhe wodhvos piw a dhannvonydh genev. Hwath re leversys, “My a'th aswonn dre hanow, ha ty re gavas gras y'm golok.”

Eksodus 33:13

Lemmyn ytho, my a'th pys, mar kevis gras y'th wolok, diskwedh dhymm lemmyn dha fordhow, ma'th aswonniv ha kavoes gras y'th wolok. Preder ynwedh bos an genedhel ma dha bobel.’

Ysay 38:22

Ynwedh Hezekia a leveris, ‘Pandr'a vydh an tokyn my dhe yskynna dhe ji an Arloedh?’

Yeremia 25:30

Ty, ytho, profoes er aga fynn oll an geryow ma, ha leverel dhedha: An Arloedh a us a'n ughelder, hag a'y drigva sans ev a re y lev; ev a us yn krev erbynn y annedh, ha garma, avel an re a drett an grappys, erbynn oll annedhysi an nor.

Yeremia 7:4

Na fydhyewgh yn geryow gow, ow leverel, ‘Hemm yw tempel an Arloedh, tempel an Arloedh, tempel an Arloedh.’