2 Samuel 15:2 - An Bibel Kernewek 20234 (Kernewek Kemmyn)

² Absalom a sevi a-varr ha sevel ryb fordh an yet; ha peskweyth may to nebonan a'n jeva ken dhe vos gorrys a-rag an myghtern rag breus, Absalom a elwi dhodho, ha leverel, ‘A by sita osta?’ Hag ev a worthybi, ‘Dha was yw dhiworth onan a loethow Ysrael.’

2 Samuel 15:2 Iomraidhean Croise

Jenesis 34:20

Ytho Hamor ha Shekem y vab a dheuth dhe yet aga sita ha kewsel orth gwer aga sita, ow leverel,

2 Samuel 19:8

Ytho an myghtern a sevis hag esedha y'n yet. Hag y feu derivys orth oll an bobel, ‘Awotta, yma an myghtern owth esedha y'n yet.’ Hag oll an bobel a dheuth dherag an myghtern. Mes oll Ysrael re fisa pub gour dh'y dylda.

2 Kroniklys 10:7

I a worthybis dhodho, ‘Mara pydhydh hegar orth an dus ma ha'ga flesya ha kewsel geryow da dhedha, ena i a vydh dha wesyon bys vykken.’

Job 24:14

An moldrer a sev kyns dydh-tardh may lattho an boghosek ha'n edhommek, hag y'n nos kepar ha lader yw.

Eksodus 18:14

Pan welas hwegron Moyses oll a wre ev rag an bobel, ev a leveris ‘Pandra yw a wredh rag an bobel? Prag yth esos esedhys dha honan, hag oll an bobel sevys a-dro dhis a'n myttin dhe'n gorthugher?’

Eksodus 18:16

pan vydh kedrynn dhedha, y tons dhymm ha my a vreus yntra den ha'y gentrevek, ha my a wra dhedha aswonn ordenansow Duw ha'y laghys.’

Eksodus 18:26

Hag i a vreusi an bobel pup-prys; negysyow kales i a dhri dhe Moyses, mes negys byghan pynag i a vreusi aga honan.

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Daniel 11:21

Yn y le y hwra sevel onan dispresadow, ma nag yw res dhodho meuredh ryel; ev a dheu yn termyn a gres, ha gwaynya an ruvaneth dre doell.

Matthew 27:1

Ha ternos vyttin, oll an bennoferysi ha henavogyon an bobel a wrug omgusulyans erbynn Yesu rag y worra dhe'n mernans;

Dewteronomi 17:8

Mars yw mater re gales ragos dhe vreusi yntra goes ha goes, yntra ken ha ken, hag yntra strekys ha strekys, materow a gontroversita a-berth y'th yetys, ena ty a sev hag yskynna dhe'n tyller a wra an Arloedh dha Dhuw y dhewis.

Ruth 4:1

Boaz eth yn-bann dhe'n yet hag esedha ena, hag otta, yth esa an neskar ow tremena, may hwrussa Boaz kewsel anodho, hag yn-medh Boaz, ‘Deus omma hag esedh omma, ty gothman’, hag ev a dreylyas a-denewen hag esedha.