2 Samuel 15:18 - An Bibel Kernewek 20234 (Kernewek Kemmyn)

¹⁸ Oll y wesyon a dremenas dresto; hag oll an Kerethysi, hag oll an Pelethysi, hag oll an hwegh kans Gittyas re dhothya war y lergh dhiworth Gath, a dremenas a-rag an myghtern.

2 Samuel 15:18 Iomraidhean Croise

2 Samuel 15:17

An myghtern eth yn-rag, gans oll an bobel war y lergh, hag i a hedhis orth an diwettha chi.

2 Samuel 18:2

Ha Davydh a dhannvonas yn-rag tressa rann a'n bobel yn-dann leuv Yoab, ha tressa rann yn-dann leuv Abishay mab Seruya, broder Yoab, ha tressa rann yn-dann leuv Ittay an Gittyas. An myghtern a leveris dhe'n bobel, ‘My ow honan a wra mos yn-rag genowgh ynwedh.’

2 Samuel 20:23

Lemmyn yth esa Yoab war oll lu Ysrael; yth esa Benaya mab Yehoyada war an Kerethysi ha'n Pelethysi;

2 Samuel 20:7

Ena yth eth yn-mes war y lergh gwer Yoab, ha'n Kerethysi, ha'n Pelethysi, hag oll an gasoryon; hag i eth yn-mes a Yerusalem dhe helghya Sheba mab Bikri.

2 Samuel 6:10

Ytho ny vynna Davydh kemmeres argh an Arloedh ganso a-ji dhe sita Davydh; mes Davydh a's dug a-denewen dhe ji Obed-edom an Gittyas.

2 Samuel 8:18

hag yth esa Benaya mab Yehoyada war an Kerethysi ha'n Pelethysi; ha mebyon Davydh o oferysi.

1 Myghternedh 1:38

Ytho Sadok an oferyas, ha Nathan an profoes, ha Benaya mab Yehoyada, ha'n Kerethysi, ha'n Pelethysi, eth yn-nans, hag a settyas Solomon dhe varghogeth war vul myghtern Davydh, hag i a'n dros dhe Gihon.

1 Kroniklys 18:17

Benaya mab Yehoyada a'n jevo charj a'n Kerethysi ha'n Pelethysi; mebyon Davydh o penn-soedhogyon yn servis an myghtern.

1 Samuel 23:13

Ena Davydh ha'y wer, neb o a-dro dhe hwegh kans, a sevis ha diberth dhiworth Keila; i eth plepynag y hallens dos. Pan veu derivys dhe Sowl Davydh dhe dhiank dhiworth Keila, ev a astelas mos yn-rag.

1 Samuel 25:13

Yn-medh Davydh dh'y wer, ‘Kelmewgh agas kledhedhyow warnowgh, hwi oll.’ Ytho pub gour a golmas y gledha warnodho; Davydh ynwedh a golmas y gledha warnodho; hag a-dro dhe beswar kans gour eth yn-bann war-lergh Davydh, ha dew kans a wortas gans an fardellow.

1 Samuel 27:3

Yth esa Davydh trigys gans Akish yn Gath, ev ha'y wer, pub gour gans y deylu, ha Davydh gans y dhiw wreg, Ahinoam a Yezreel, hag Abigayl an Karmelyades, gwreg Nabal.

1 Samuel 27:4

Ha pan veu derivys orth Sowl Davydh dhe fia dhe Gath, ny'n hwilas na fella.

1 Samuel 30:1

Lemmyn pan dheuth Davydh ha'y wer dhe Siklag y'n tressa dydh, an Amalekysi a wrug omsettyans war an Negeb ha war Siklag. I a waskas Siklag, ha'y leski gans tan,

1 Samuel 30:14

Ni a wrug omsettyans war Negeb an Kerethysi ha war an pyth a wra Yuda y bewa ha war Negeb Kaleb; ha ni a loskas Siklag gans tan.’

1 Samuel 30:9

Ytho Davydh eth, ev ha'n hwegh kans gour esa ganso. I a dheuth dhe nans Besor, le may hwortas an re a veu gesys dhelergh.