2 Samuel 14:9 - An Bibel Kernewek 20234 (Kernewek Kemmyn)

⁹ Ha'n Tekoyades a leveris dhe'n myghtern, ‘A arloedh ow myghtern, bedhes an kabel warnav, ha war ji ow thas; bedhes an myghtern ha'y dron ankablus.’

2 Samuel 14:9 Iomraidhean Croise

Jenesis 27:13

Yn-medh y vamm dhodho, ‘Warnav vy re bo an volleth, a vab vy. Unnweyth goslow ow lev ha ke dh'aga hemmeres ragov.’

Jenesis 43:9

My ow honan a vydh goestel ragdho. Ty a yll y rekwirya a'm diwla. Mar ny'n drov dhiso ha'y settya a-dheragos, kablus vydhav a-ragos oll ow dydhyow.

2 Samuel 14:10

Yn-medh an myghtern, ‘Piwpynag a lavarro neppyth dhis, ro ev dhymm, ha ny wra dha dochya arta.’

2 Samuel 14:8

Ena yn-medh an myghtern dhe'n venyn, ‘Ke dhe'th chi, ha my a re gorhemmynnow a-dro dhis.’

1 Myghternedh 2:33

Dehweles a wra aga goes war benn Yoab, ha war benn y has bys vykken; mes dhe Davydh, ha dh'y has, ha dh'y ji, ha dh'y dron, y fydh kres bys vykken dhiworth an Arloedh.’

Niverow 35:33

Ny dal dhywgh defola an tir mayth esowgh trigys; rag goes a dhefol an tir, ha ny yll prenedh vyth bos gwrys rag an tir, drefenn an goes yw skoellys ynno, marnas der an goes a neb a'n skoellyas.

Matthew 27:25

Ha'n bobel oll a worthybis ow leverel, ‘Re bo y woes warnan ni ha war agan fleghes.’

1 Samuel 25:24

Hi a goedhas orth y dreys, ha leverel, ‘Warnav vy ow honan, ow arloedh, bedhes an blam, my a'th pys, gas dha vaghteth dhe gewsel y'th tiwskovarn, ha klew geryow dha vaghteth.