2 Samuel 14:7 - An Bibel Kernewek 20234 (Kernewek Kemmyn)

⁷ Hag, otta, an teylu oll re dhrehevis erbynn dha vaghteth, hag i re leveris, “Delirv yn-bann ev neb a weskis y vroder, may hyllyn y worra dhe'n mernans rag bewnans y vroder a ladhas; ha ni a dhistru an her ynwedh.” Yndella y tifeudhons ow holenn vew yw gesys, ha ny as dhe'm gour naneyl hanow na remenant war enep an norvys.’

2 Samuel 14:7 Iomraidhean Croise

Jenesis 27:45

erna dreyllyo sorr dha vroder dhiworthis, hag ev a ankev an pyth re wruss'ta gul dhodho. Ena my a dhannvon, ha'th kemmeres alena. Prag y koedh dhymm kelli agas dew y'n keth jydh?’

Jenesis 4:14

Awotta, ty re'm chasyas hedhyw dhiworth enep an nor, ha my a vydh kudhys dhiworth dha fas, ha my a vydh gwandryas diannedh war an nor, ha seul a'm kaffo a wra ow ladha.’

2 Samuel 12:17

Henavogyon y ji a sevis a-ughto, dh'y dhrehevel dhiworth an dor; mes ny vynnas, na ny dhybris boes gansa.

2 Samuel 14:6

Yth esa dhe'th vaghteth dew vab, hag i a omladhas an eyl erbynn y gila y'n gwel, ha nyns esa denvyth dh'aga diberth, ha'n eyl a weskis y gila ha'y ladha.

2 Samuel 14:8

Ena yn-medh an myghtern dhe'n venyn, ‘Ke dhe'th chi, ha my a re gorhemmynnow a-dro dhis.’

Niverow 35:19

An dialor-goes y honan a wra gorra an moldrer dhe'n mernans; pan dheu er y bynn, ev a wra y worra dhe'n mernans.

Matthew 21:38

Mes an diogyon, pan welsons an mab a leveris an eyl dh'y gila, “Hemm yw an her; dewgh, gwren ni y ladha ha kavoes y ertach!”

Dewteronomi 25:6

An kynsa-genys a wra hi y dhineythi a erit hanow y vroder marow, rag na vo defendys y hanow dhiworth Ysrael.