2 Samuel 14:26 - An Bibel Kernewek 20234 (Kernewek Kemmyn)

²⁶ Pan dreghi blew y benn (rag orth penn pub blydhen ev a'n treghi; pan esa y vlew poes warnodho, ev a'n treghi), ev a'n poesa, ha'y boester o dewkans shekel war-lergh poes an myghtern.

2 Samuel 14:26 Iomraidhean Croise

Jenesis 23:16

Hag Abraham a woslowas orth Efron, hag Abraham a boesas dhe Efron an arghans re lavarsa yn klewans mebyon Heth, peswar shekel a arghans war-lergh usadow an varchons.

2 Samuel 18:9

Lemmyn Absalom a dhyerbynnas gwesyon Davydh. Hag yth esa Absalom ow marghogeth war asen, ha'n asen eth yn-dann skorr tew terebinthenn vras, ha'y benn a veu synsis fast y'n derebinthenn, may feu gesys ow kregi ynter an ebron ha'n dor; ha'n asen re bia yn-danno eth dhe-ves.

Ysay 3:24

Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Ezekiel 44:20

Ny dreghons blew aga fenn dhe vos blogh, na gasa aga gols dhe vos hir; mes i a dregh gols aga fenn gans rach.

Levitikus 19:36

Y fydh dhywgh mantol ewn, poesow ewn, efa ewn ha hin ewn. An Arloedh ov vy, a'gas dros yn-mes a bow Ejyp.

1 Korinthianys 11:14

Natur hy honan, a ny dhysk dhywgh bos disenor dhe wour ha ganso gols hir,