2 Samuel 14:25 - An Bibel Kernewek 20234 (Kernewek Kemmyn)

²⁵ Mes yn oll Ysrael nyns esa denvyth moy kanmelys rag y dekter ages Absalom; dhiworth godhen y droes bys yn gwartha y benn nyns esa namm vyth ynno.

2 Samuel 14:25 Iomraidhean Croise

1 Myghternedh 1:6

Ny wrug y das y geredhi bythkweth ow leverel. ‘Prag re wruss'ta yndella?’ Hag ynwedh ev o pur deg y semlans; hag ev a veu dineythys nessa wosa Absalom.

Job 2:7

Ytho Satnas eth yn-rag yn-mes a wel a'n Arloedh, ha plagya Job gans gwennennow kasadow dhiworth godhen y droes bys yn gwartha y benn.

Lavarow Koth 31:30

Gras a doell, ha tekter yw euver, mes benyn a berth own a'n Arloedh yw dhe vos gormelys.

Ysay 1:6

A wodhen an troes bys an penn, nyns eus yeghes ynno, mes brewyon, kreythennow, ha goliow podrek; ny vons glanhes na lystennys na medhelhes gans oyl.

Ezekiel 23:15

grogysys gans grogysyow a-dro dh'aga diwglun, ha tulyfantys ow kregi war aga fennow, i oll gans semlans penngasoryon charettow, an hevelep a vebyon Babylon, may feu Kaldea tir aga dineythyans.

Daniel 1:4

gwer yowynk dhinamm, teg dhe weles, ha konnyk yn pub furneth, leun a skians, ow konvedhes dyskans, ha gwiw rag servya yn palys an myghtern, ha dhe dhyski dhedha lytherennow ha taves an Kaldeanys.

Matthew 23:27

‘Go-hwi, skribys ha Fariseow, falswesyon, rag hwi yw haval dhe vedhow yw gwynnhes gans lim, teg aga semlans war-ves, mes war-ji yth yns leun a eskern tus varow hag a bub plosedhes.

Efesianys 5:27

may proffya an eglos dhodho ev y honan, splann, heb brith na krygh, na travyth a'n par na, saw may fe hi sans ha dinamm.

Dewteronomi 28:35

An Arloedh a'th wysk gans drog vryghi y'th tewlin ha'th tiwarr ma na yllydh bos yaghhes dhiworta, a wodhen dha droes bys y'th krogen.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’

1 Samuel 9:2

Y feu dhodho mab, Sowl y hanow, neb o yonker teg. Nyns esa gour yn mysk mebyon Ysrael tekka agesso; a-dhiworth y dhiwskoedh hag yn-bann ev o hirra ages oll an bobel.