2 Samuel 14:19 - An Bibel Kernewek 20234 (Kernewek Kemmyn)

¹⁹ Ha'n myghtern a leveris, ‘A nyns usi leuv Yoab genes yn oll hemma?’ Ha'n venyn a worthybis ha leverel, ‘Kepar dell vewydh, ow arloedh an myghtern, ny yllir treylya dhe'n dyghow na dhe'n kledh dhiworth travyth re leveris ow arloedh an myghtern. Rag dha was Yoab, ev a erghis dhymm, hag ev a worras oll an geryow ma yn ganow dha vaghteth.

2 Samuel 14:19 Iomraidhean Croise

2 Samuel 11:11

Hag yn-medh Uria dhe Davydh, ‘Yma an argh hag Ysrael ha Yuda trigys yn skovvaow; hag yma ow arloedh Yoab ha gwesyon ow arloedh ow kampya y'n gwel; a wrav vi ytho mones dhe'm chi, dhe dhybri hag eva, ha growedha gans ow gwreg? Kepar dell vewydh, ha dha enev a vew, ny vynnav gul tra a'n par na.’

2 Samuel 14:18

Ena an myghtern a worthybis ha leverel dhe'n venyn, ‘Na with dhiworthiv, my a'th pys, travyth a wovynnav orthis.’ Hag yn-medh an venyn, ‘Gwres ow arloedh an myghtern kewsel.’

2 Samuel 14:3

ha ke dhe'n myghtern ha kows yndellma dhodho.’ Ytho Yoab a worras an geryow yn hy ganow.

2 Samuel 18:13

Mes, mar kwrellen yn fals erbynn y vewnans (rag nyns eus travyth kudhys dhiworth an myghtern), ena ty a settsa dha honan kontrari dhymm.’

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

2 Samuel 3:29

Re goettho an goes war benn Yoab, ha war oll chi y das; ha bynner re bo chi Yoab heb unn den a'n jeves sygerans, po yw klavorek, po a boes war y lorgh, po a goedh der an kledha, po a fyll a vara.’

2 Samuel 3:34

Dha dhiwla, nyns ens kelmys, na dha dhewdroes synsys yn kargharow; kepar dell goedh den dherag mebyon sherewneth ty re goedhas.’ Hag oll an bobel a oelas warnodho arta.

2 Myghternedh 2:2

Elias a leveris dhe Elisha, ‘Gorta omma, my a'th pys, rag an Arloedh re'm dannvonas dhe Bethel.’ Elisha a leveris, ‘Dell vew an Arloedh, ha dell vew dha enev, ny wrav dha asa.’ Ytho i eth yn-nans dhe Bethel.

Eksodus 4:15

Ha ty a gews orto ha gorra an geryow yn y anow; ha my, my a vydh gans dha anow ha gans y anow dhe dhyski dhywgh an pyth dhe wul.

Lavarow Koth 25:2

Glori Duw yw gwitha taklow kudhys, mes glori myghternedh yw aga diskudha.

Lavarow Koth 4:27

Na dreyl, naneyl dhe'n dyghow na dhe'n kledh; treyl dha droes dhe-ves a dhrog.

Niverow 20:17

Lemmyn gas ni dhe dremena dres dha dir. Ny dremenyn der an gwel na der an gwinlannow, na ny wren eva dowr a buth; ni a wra mos yn fordh-veur an myghtern, ny dreylyn a-denewen dhe'n dyghow na dhe'n kledh, bys pan dremensyn dha diredh.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Dewteronomi 28:14

Na dreyl a-denewen dhiworth oll an geryow esov ow korhemmynna dhis hedhyw, dyghow na kledh, dhe gerdhes war-lergh duwow erell dh'aga servya.

Dewteronomi 5:32

Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.

1 Samuel 1:26

Hag yn-medh hi, ‘Ow arloedh, kepar dell vewydh, ow arloedh, yth ov vy an venyn esa sevys rybos omma, ow pysi war an Arloedh.

1 Samuel 17:55

Ha pan welas Sowl bos Davydh ow mos yn-rag erbynn an Filistyas, ev a leveris dhe Abner, kaslewydh an lu, ‘Abner, piw yw an gour yowynk ma mab dhodho?’ Hag yn-medh Abner, ‘Dell vew dha enev, A vyghtern, ny wonn.’

1 Samuel 20:3

Mes ynwedh Davydh a dos, ‘Dha das a woer yn ta my dhe gavoes gras y'th wolok; hag ev a breder, “Na as Yonathan dhe wodhvos hemma, po ev a vydh grevys.” Mes yn gwiryonedh, dell vew an Arloedh ha dell vewydh dha honan, yma saw kamm yntredhov ha mernans.’

1 Samuel 25:26

‘Ha lemmyn, ow arloedh, dell vew an Arloedh, ha dell vewydh dha honan, drefenn an Arloedh dhe'th lettya rag kabel-goes ha diella dre dha leuv dha honan, lemmyn ytho gas dha eskerens, ha'n re neb a hwila gul drog dhe'm arloedh, bos kepar ha Nabal.